AMIKHEAKAKHIUKKHI 19:6 - AMÜSÜH HÜM CL Bible (BSI)

⁶ Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.

AMIKHEAKAKHIUKKHI 19:6 Iomraidhean Croise

JOB HU H T ANYU 40:9

Thrünpuh nangde nü bin la de, tüsho api nangde düsheaknü nünü tsüngmukpü kukla de?

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 47:7

Tümüde Thrünpuh a alomi alala kiulongthsürü ah; anikhitkhinü mungshikhün thsang.

MUNGSHIKHÜN 77:18

Nü tsüngmukkhi düsheak chitmühean ching lakheah; chinchobebonü alomiküp tahkhi; alomi ajan tüsho niuk.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

MUNGSHIKHÜN 97:12

Atungpuh lung asühachihang, nüsa thiyuro-lungkirü, tüsho api amüsüh mung lümkhitde makshe jihang.

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ISAIA 52:7

Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

EZEKIEL 1:24

Küyimki shiwühbo aphapkhea, inü arü ghidükeangbo, ke bukkhi, Wuto düsheak, bonungrü adanasünkhi nangde so. Küyimki arü zhikde azhipbanü, arünü arü ghidükeangbo keamkhi.

EZEKIEL 43:2

Tüsho ju ching Israel Thrünpuh müretahkhi ju aniakhiuklimnü arüde alakheah; düsheak ju keto ato düsheak nangde alakheah; tüsho api müretahkhinü alomi tah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

AMIKHEAKAKHIUKKHI 1:15

api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah;

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.

AMIKHEAKAKHIUKKHI 14:2

Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah,

AMIKHEAKAKHIUKKHI 19:1

Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo,

AMIKHEAKAKHIUKKHI 19:4

Tüsho azothsürü mukukheak phüyi tüsho arhang shiwüh phüyinü kiulongthsü-binkiu kheak binkhi Thrünpuh ki khukningde kingaünde tha, “Amen, Halleluya!”

AMIKHEAKAKHIUKKHI 21:22

Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah.

AMIKHEAKAKHIUKKHI 4:5

Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah;

AMIKHEAKAKHIUKKHI 6:1

Kheakü Namfimihnununü ayümdokhi thüne bolung khülang khimshuhde inü ngü tüsho shiwüh phüyi bolung khülangnü tsüngmuk düsheak nangde athakhi inü so, “Arang!”

AMIKHEAKAKHIUKKHI 8:5

Judüki yunirünü mophuru ju lubah kingaün sadam kheak yo mo yuk tüsho alomi kheak jipa bah; tüsho tsüngmukkhibo, düsheakbo, chinchobe phürapkhi, tüsho muliuyuk lakheah.