AMIKHEAKAKHIUKKHI 19:20 - AMÜSÜH HÜM CL Bible (BSI)

²⁰ Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 19:20 Iomraidhean Croise

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

JOB HU H T ANYU 18:15

Api khimyambo ching tümü maning; kelülülung api lapung kheak hiumüzüta lah.

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 34:9

Tüsho Edom yungzübo ju shingkung kambah, tüsho anihbe lo kelülülung kambah; anihbe lo motakkhi shingkung kambah.

EZEKIEL 24:5

Namfimihnu bolung amokhitkhi luang, ju khüp sang rhungkihang; ju amapshang tüsho ju ching arobo khiungang.

EZEKIEL 38:22

Arüm-tukthsü tüsho thiyih bukde inü api kheak mahkhappü ching yüzahbah; tüsho inü api le api lung lakhi mihtsürü ahihdo kheak düchi tsüng tüsho arubo, mo tüsho motsüng akishihbah.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 8:24

Api wu ato labah tüshe anihbuh wunü yung; tüsho apinü arhimokhi ching akuk ngübah, tüsho wulakhi mihtsürü tüsho amüsüh mihtsürü thsümünimbah.

DANIEL 8:26

Arebo tüsho yapsubo dünkheak michih thakhi ju thiyuro. Tüshe michih ju yümdoa zoang, tümüde ha dünjipü nimung ahihkhüh lah.”

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’

JIHUSUA 8:23

Tüshe Ai kiulongthsüpuh a arhangnü rama handarünü Jihusua kilim jih.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 17:12

Tüsho nünü angükhi ajuh thürü ju kiulongthsü wu müleangkhiyikhi kiulongthsürü thürü ah, tüshe arübo shiwüh bolung rukhüh kimkhü 1 thsungkheak kiulongthsürübo thsüpü thiyukhüm-sühmüh leangkhibah.

AMIKHEAKAKHIUKKHI 19:19

Tüsho khora kheak binbuh le api bonungrü bede thirithsüpü shiwüh tüsho alomi kiulongthsürübo arü bonungrü bede amukhungkhi inü ngü.

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 9:17

Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih.