AMIKHEAKAKHIUKKHI 19:2 - AMÜSÜH HÜM CL Bible (BSI)

² tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 19:2 Iomraidhean Croise

2 KIULONG THSÜRÜ 9:7

Nünü nü tungpuh Ahab yamkhün laksahbah, junangde I yamlarü wukihrübo tüsho Atungpuh yamlarü alala laksahkhi Jezebel kheak royimbah.

MUNGSHIKHÜN 19:9

Atungpuh trekhi ju atsangkhit, lünnü lah; Atungpuh mahkhapkhibo ju alungki, tüsho thiyuro-lungki ah.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

DANIEL 7:26

Jushu mahkhapkhi labah, tüsho api wu hande atsobah, shahde athsümünimbah.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”