AMIKHEAKAKHIUKKHI 19:12 - AMÜSÜH HÜM CL Bible (BSI)

¹² Api mükjibo motru nangde, tüsho aku kheak kuthran ahihdo thran; api kheak hode shenü mümükheahkhi mung thrütkih-a lakheah.

AMIKHEAKAKHIUKKHI 19:12 Iomraidhean Croise

THRÜNTAN 32:29

Judüki Jakobnü api ki keokhi, “Muzhobah I ki nü mung thaang.” Tüsho apinü tha, “Nünü tümüde I mung keokhicho?” Tüsho apinü ju ching api müngühjih.

MUNGSHIKHÜN 8:5

Tütüshe nünü api yunirübo kheaknü anükhüh abobe thrünjih, tüsho müretahkhi tüsho wüntrenü api ku thranjih.

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

MÜCHITMUDU 30:4

Shepü yinmi ching yükihbah akilokhea? Shepünü amüyi ching apung zhimkhea? Shepünü khim chingnü ke dümkhea? Shepünü lomi aredungbo thsüjihkhea? Nünü mükheahlasho, api mung she a, tüsho api tsührü mung she a?

KHÜNBOLUNGKHÜN 3:11

Akhiukang, O Zion tsührü liberübo, abenü api thranjihkhi kuthran kheak api yamkhün thsükhi nimung, api mulong asühkhi nimung kiulongthsüpuh Solomon kheak kheahang.

ISAIA 62:3

Atungpuh khah ching nü akheahakham kuthran labah, tüsho nü Thrünpuh khah ching kiulongthsü mürezhingzhing kuthran labah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

DANIEL 10:6

Api pang ju mürelung nangde, amiro ju chinchobe nangde, amükbo ju tsün thsahkhi nangde, api binbo tüsho jingbo ju müwayinchi phezhingzhingkhi nangde, tüsho api düsheak ju boto alankhi nangde alakheah.

ZEKARIA 9:16

Ju nimung Atungpuh arü Thrünpuhnü arü khümkhitbah, tümüde arü ju api mihtsürü namfimihnu boto lah; tümüde kuthran yo mürezhingzhing nangde arünü api lomi kheak yinshihbah.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

JOHAN 17:11

Kheaküa I alomi ching müla, tüshe harübo alomi ching lah, tüsho I nü kilim arüchoh. Amüsüh Abuh, nünü I kilim jihrü nü mung hode zojang, junangde isa nangde arü khülang labah.

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

EFISIA 1:21

thiyuzüng, thiyukhümsühmüh, yakzan shuhkhi, tüsho ha lün ching lang yungde arüpü lakhi ching she mung jia lakhi alala kumung changlah;

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

AMIKHEAKAKHIUKKHI 1:14

api ku tüsho api kuyü ju alamlam hing müye, phürüm müyekhi nangde alakheah; amükbo ju motru nangde,

AMIKHEAKAKHIUKKHI 12:3

Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 6:2

Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.

MAHKHAPRÜ 13:18

Atungpuh yunirünü api ki tha, “ Ha amüyinsahbe ah de ngübah, tümüde nünü I mung keokhicho?”