AMIKHEAKAKHIUKKHI 19:10 - AMÜSÜH HÜM CL Bible (BSI)

¹⁰ Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 19:10 Iomraidhean Croise

2 KIULONG THSÜRÜ 17:36

tüshe nüsanü nüsa Ijip lomi chingnü wu-sühmüh ato tüsho khah chungkhitde abekhitbuh Atungpuh kingaünbah; nüsanü api ki khukningbah, tüsho laksah-a kingaünbah.

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

ABEKHIT 34:14

Püpürü thrünpuh tümü dükingaün, tümüde Atungpuh shepü mung mükthsü lanü, mükthsü Thrünpuh ah.

DANIEL 2:46

Judüki kiulongthsüpuh Nebukednezarnü Daniel miki khukning tüsho api ki wüntre jih tüsho arünü anihbuh kilim kingaünbo tüsho rhümthüneabe jihshihpü thiyukhüm jih.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

MARK 5:22

Tüsho kheahang, sinagog yakzanshuhrü bolung khülang amung Jairus arü. Tüsho küyimki anihbuhnü api ngükhea, apinü ajing ki mükhüm

MARK 7:25

Tümüde atsührübe amünean me lakhi aliberü khülangnü api dünkheak so, tüsho arübah ajing ki mükhüm.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 13:27

Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo.

2 KORINT 8:7

Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.

EFISIA 5:15

Lümlung mülarü yung tüshe lümlung larü mihtsürü nangde, nü künangde tsahchonü kümkangde kheahang,

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

1 JOHAN 5:21

I tsührübo, sangthsübo kheaknü nüsa tsokhide laang.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,