AMIKHEAKAKHIUKKHI 19:1 - AMÜSÜH HÜM CL Bible (BSI)

¹ Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo,

AMIKHEAKAKHIUKKHI 19:1 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

MUNGSHIKHÜN 104:35

Aneakrübo ju alomi chingnü muyuabahshang, tüsho mihbukmuyuk mülade kamshang. Atungpuh shiang, O I me! Atungpuh Shiang!

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 111:1

Atungpuh shiang! Inü alungkirü mukhungkhi tüsho mukhungmüdan ching I mulong athrünkhinü Atungpuh shibah.

MUNGSHIKHÜN 115:18

Tüshe ha kimnü ründe tüsho lünnü isanü Atungpuh shijihbah. Atungpuh shiang!

MUNGSHIKHÜN 146:1

Atungpuh shiang! Atungpuh shiang, O I me!

MUNGSHIKHÜN 148:1

Atungpuh shiang! Yinmibo chingnü Atungpuh shiang; achangbo ching api shiang!

MUNGSHIKHÜN 149:1

Atungpuh shiang! Atungpuh ki khün aso khülang, tüsho amüsührü mukhungkhi ching api shijihkhibo thsang.

MUNGSHIKHÜN 150:1

Atungpuh shiang! Api arüngakopung ching Thrünpuh shiang; api yo thüningbo ato ching api shiang!

MUNGSHIKHÜN 3:8

Akhümkhit ju Atungpuh yo ah; nü müngühmühi nü mihtsürübo kheak lah.

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

JONA 2:9

Tüshe inü makshe-jihkhi düsheaknü nü ki laksah-a kingaünbah; tümü inü thiyuchihchimkheanü inü ajihbah. Akhümkhitpü ju Atungpuh yo ah!”

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.