AMIKHEAKAKHIUKKHI 18:9 - AMÜSÜH HÜM CL Bible (BSI)

⁹ Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah;

AMIKHEAKAKHIUKKHI 18:9 Iomraidhean Croise

THRÜNTAN 19:28

Apinü Sodom tüsho Gomorra adükhün lomi alala lim abina kheah, tüsho morimoto chingnü mokhüh akhiukkhi nangde alomi chingnü mokhüh alükde ayükihkhi ngü.

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

ISAIA 13:19

Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

JEREMIA 50:40

Atungpuhnü thachoh, Thrünpuhnü Sodom tüsho Gomorra thsümünimchoki nangde sheshe ju ching müla, yungsho she mihtsürü ju ching müla.

JEREMIA 50:46

Babilon keamkhi düsheaknü alomi ajanbah, tüsho anihbenü azhikhi düsheak trükshih bolung sobah.

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

EZEKIEL 27:35

Keyean lomi ching larübo alalanü nü kheak müyinsahchoh; tüsho arü kiulongthsürübo müyinnima lah, arü mirobo ching atrekhi lah.

DANIEL 4:14

Apinü achangnü zhi tüsho tha, ‘ Sangdung ju kiushakang tüsho akhahbo tsankhiang, ayübo mülakkhiang tüsho aso hiumüzütang; ju khüpnü shiwühbo tüsho akhahbo kheaknü wuhnubo tsoshang.

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’

1 TIMOTHI 5:11

Tüshe anüphulung khimoberü a dükheyuk; küyimki arü shihkünde akambanü Khrista azhihde arhanglopü mulongde kamchoh,

AMIKHEAKAKHIUKKHI 14:11

Tüsho arü thsümüchikhi mokhüh lünnü lün yükihchoh; harü shiwüh tüsho mejak kingaünrü tüsho ju mung amütsan yihkih-a lurü azhing ayin sühakhim müla.”

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 18:18

tüsho anihbe takkhi mokhüh arünü ngübah zhi, “Ato kiuto nangde püpü kiuto küju lakhea?”

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’

AMIKHEAKAKHIUKKHI 19:3

Kheaküshe arünü zhi, “Halleluya! Anihbe kheaknü mokhüh lünnü lün yükihchoh.”

AMIKHEAKAKHIUKKHI 2:22

Kheahang, inü anihbe tukthsü yapkiu kheak bahjihbah, tüsho sherünü alibe kheak müzammüram yihbeakchonü, arünü anihbe rhimo chingnü mulong mümüthrisho, inü thsümütsü ato ching bahjihbah;