AMIKHEAKAKHIUKKHI 18:8 - AMÜSÜH HÜM CL Bible (BSI)

⁸ Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”

AMIKHEAKAKHIUKKHI 18:8 Iomraidhean Croise

JOB HU H T ANYU 9:19

Ha sühmüh azhihachihkhi dükhülaa, api amüküpbuh ah! Ha mahkhap ah dükhülaa, shenü api jikhukpü?

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 9:14

Jumonü Atungpuhnü Israel kheaknü aku tüsho amo, ashidung khah tüsho kiupung nimung khülang chingnü yihshakabah–

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

JEREMIA 51:58

Wuto Atungpuhnü ha thachoh: Babilon chipi ato ju alo arihde akambah, tüsho anihbe chipiripit achangbo monü atakbah. Mihtsürübo akeangkeang ching khichoh, tüsho trükshihbonü mo thsungkheak lang rhimochoh.

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

AMIKHEAKAKHIUKKHI 11:17

tha, “Atungpuh Wuto Thrünpuh, isanü nü ki makshe jihchoh, shepü la tüsho shepü lakhea, tüsho arüpü la, tümütüsho nünü wu ato lu tüsho kiulongthsüpü tankih.

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,

AMIKHEAKAKHIUKKHI 17:18

Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”

AMIKHEAKAKHIUKKHI 18:17

Kimkhü 1 chingnü anihbe lakhit alala thsümünima lah.” Sangkung putungrübo, hantsahrü, sangkung-berübo tüsho keto ching shothsümolorü alala limshude zhip

AMIKHEAKAKHIUKKHI 18:19

Tüsho arünü arü kubo kheak awah sukkihbah trip tüsho tüzhode zhi, “Are, are, keto ching sangkungbo larü anihbe lakhit hode alarü kampung, ato kiuto! Kimkhü 1 chingnü anihbe thsümünima lah.”

AMIKHEAKAKHIUKKHI 19:3

Kheaküshe arünü zhi, “Halleluya! Anihbe kheaknü mokhüh lünnü lün yükihchoh.”