AMIKHEAKAKHIUKKHI 18:23 - AMÜSÜH HÜM CL Bible (BSI)

²³ nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 18:23 Iomraidhean Croise

2 KIULONG THSÜRÜ 9:22

Küyimki Joramnü Jehu ngükhea, apinü tha, “Jehu, ha mungtsü a shi?” Apinü alo, “Nü be Jezebelnü thümükhi tüsho sangthsü kingaünkhi khiungde tümü mungtsü lapü?”

JOB HU H T ANYU 21:17

Mihbukmuyuk tsünpung küdükhüh ki lang yihmütcho? Küdükhüh ki lang arü kheak thsümütsü arücho? @POE TRY-3=Küdükhüh ki lang Thrünpuhnü abukakhiukkhi ching thsünü ahiuhcho?

MÜCHITMUDU 24:20

tümüde amütsü mihtsürü thsungkheak arübe mulonglam müla; mihbukmuyuk tsünpung amütbah.

ISAIA 23:8

Shenü Tair azhihde ha lümkhi thsükhea, kuthran yihkhi kiuto, shepü yinzüyindorübo ju yakzanshuhrü lakhea, shepü shothsümolorü alomi wüntrekhi lakhea?

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

JEREMIA 16:9

Tümüde Wuto Atungpuh Israel Thrünpuhnü ha thachoh: Nüsa nimungbo ching tüsho nüsa mük kinü, asühako düsheak akheam thsüshihbah.

JEREMIA 25:10

Tüsho inü arü kheaknü asühachih tüsho asühkhi düsheak, yamkhünkambuh tüsho yamkhün-kambe düsheak, hi-chukhi düsheak tüsho tsünpung ching ayin keamabahshihbah.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

NAHUM 3:4

Tümütüsho mükhebinkhi müzammüram amülim thsükhinü, münitphülapkhi, anihbe wurük, shepünü lomi tüsho mihtsürü anihbenü bemüchihkhi tüsho wurük hode azhorü kamshih,

YUNIRÜBO RHIMO 8:11

Arünü api ki ani, tümütüsho kim ashang apinü anihbuh wurüknü arü müyinsahshih.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

AMIKHEAKAKHIUKKHI 18:22

bingkhung khungrü tüsho khün thsürü, khungpi khungrü tüsho hulipungpung khungrü nü kheaknü musolo; kheaklahrü nü kheak müngülo; tüsho hizübe-lung düsheak nü kheak musolo;

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”

AMIKHEAKAKHIUKKHI 18:9

Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah;

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 6:15

Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde,

AMIKHEAKAKHIUKKHI 9:21

yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.