AMIKHEAKAKHIUKKHI 18:2 - AMÜSÜH HÜM CL Bible (BSI)

² Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;

AMIKHEAKAKHIUKKHI 18:2 Iomraidhean Croise

ISAIA 14:23

Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

JEREMIA 25:30

Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

ZEPHANIA 2:14

Moshi, mihnu tüsho mütüm shiwüh lüpdükhi ju ching labah; loshelo lungru tüsho amüsükbe lungru dungjingku kheak labah; lungrunü ayinripit kheak khungbah, khüjaknü ripit-limro kheak khungbah; tümüde cedar sangnü arhimokhi ju aleangkheak labah.

AMIKHEAKAKHIUKKHI 1:15

api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah;

AMIKHEAKAKHIUKKHI 10:3

tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung.

AMIKHEAKAKHIUKKHI 11:8

tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.

AMIKHEAKAKHIUKKHI 14:15

Tüsho yunirü püpü amo kheak binbuh ki düsheak achangnü jide arüngyam chingnü akhiuk, “Hirhüpbe luang tüsho rhüpang, tümütüsho yimlupü kim arüdo; yimlupü thsüde alomi müna lah.”

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 16:13

Tüsho dragon mün chingnü, shiwüh mün chingnü tüsho arükchih wukihrü mün chingnü kheangbo nangde amünean mebo mahsam akhiukshihde inü ngü;

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 17:18

Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

AMIKHEAKAKHIUKKHI 18:10

arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;

AMIKHEAKAKHIUKKHI 5:2

tüsho düsheak achangnü zhiyukde sühmüh lakhi yunirü khülang inü ngü, “Ayümdokhi yihshakbah küpqiu khimshuhpü shepü thülünde la?”