AMIKHEAKAKHIUKKHI 18:13 - AMÜSÜH HÜM CL Bible (BSI)

¹³ sinamon sang, thüneathürabe, rhümkebe, rhümthüneabe, jinjinlak, yukhu, müdangke, ayikangkang, tüsho wheat atsüdak, moshi tüsho namfimihnubo, khorabo tüsho khoralolungbebo, azhorübo tüsho mihtsürübo rhangdung.

AMIKHEAKAKHIUKKHI 18:13 Iomraidhean Croise

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 10:15

ju yinzüyindorü tüsho shothsümolorü tüsho Arabia kiulongthsürü le lomi ching kovünorbo kilimnü arükhi ching yukrulah.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

1 KIUTHSÜYUKHEAN 5:21

Arübonü arü akam-shiwühbo yankhia lu: kemel 50,000, namfimihnu 250,000, donki 2000, aramrü 100,000.

2 KIUTHSÜYUKHEAN 9:9

Judüki alibenü kiulongthsüpuh kilim suna khahngak 4080, arhümthüneabe ahihdo, tüsho shotolungbo jih: Sheba kiulongthsübe nü kiulongthsüpuh Solomon kilim jihkhi arhümthüneabe nangde püpü mülade alakheah.

NEHEMIA 5:8

Tüsho arü ki tha, “Isanü akukthülün keoniorü Jihudarü khiungkerü ki yinkhi rhokhitlodo, nüsa dokhühnü she nihbe keoniorü yinba de? Yungsho arü ju isa ki yinba de?” Limberübo ju jikshe müthsüdebah tüsho athapü tümü müyimkhit.

ABEKHIT 21:16

“Shepünü mihtsürü ahüh-a lubah ayinba, yungsho api khah ching yimkhitsho api asheshihbah.

MÜCHITMUDU 7:17

Inü jinjinlak, aloe tüsho sinamonnü I yapkiu arhümthüneade zolah.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 3:6

Sunglo chingnü mokhüh chitthulung, arhümthüneabe tüsho jinjinlak münimde, yinzüyindorü yo rhümthüneabe kukruk alala lubah athsükhibo nangde yükihcho ha she a?

KHÜNBOLUNGKHÜN 5:5

Inü I tsübuh thsungkheak khimshuhjihpü wusu, tüsho I khahbo kheaknü jinjinlak atsamkhi, I yingkhingbo kheak jinjinlak kenü akhrihbe sang kheak pang.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

EZEKIEL 27:13

Javan, Tubal, tüsho Mesheknü nü lung shothsümolodo; arünü nü thsungkheak yinzüyindopü azhorü tüsho müwayinchi phühlungbo müthriachih.

AMOS 2:6

Atungpuhnü ha thachoh: Israelnü alochode neak yihbeakkhi dünkheak, inü thsümüchi mululo; tümütüsho arünü shotoyinchi mo thiyuro-lungkirü tüsho jingkhümpü mihbümkhüh mo müthsümülarü yinabah–

AMOS 6:6

shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü!

AMOS 8:6

shotoyinchinü zhochihrü tüsho jingkhümpü mihbümkhüh mo müthsümülarü thulobah tüsho wheat hi aphüngkhi she ayinbah.”

YUZÜNGTHALO 24:7

“Mihtsürü khülang akeoniorü Israelrü tsührü rama lubah atsokhi ngükhitsho, tüsho azhorü nangde api thsümüchisho yungsho yinsho, mihrambuh ju asheshihbah; tüsho nüsanü amütsü mihtsürü nüsa bolungnü yihkhita bahang.

YUZÜNGTHALO 28:68

Tüsho Atungpuhnü nüsa ki ha ruk thakhi limro yande sangkung chingnü Ijip lim belobah ayübah, ‘Nüsanü küyimkishe müngülo.’ Tüsho ju ching nüsabo riri ki athrürü tüsho aliberü azhorü thsüde ayinbah, tüshe shenü nüsa muthulo.”

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

AMIKHEAKAKHIUKKHI 18:14

Shothsümolorünü anihbe ki thachoh, “Nü menü akünkhi sangaso nü kheaknü tsodo, tüsho nü lakhitbo tüsho nü thukhibo küyimkishe müngülopü thsüde nü kheaknü tsoabahdo!”

AMIKHEAKAKHIUKKHI 18:15

Harü kukruk shothsümolorübo, anihbe lakhit chingnü alü thsürünü alibe thsümüchikhi trede, tripde tüsho achangnü tüzhode limshude azhipbah,