AMIKHEAKAKHIUKKHI 18:11 - AMÜSÜH HÜM CL Bible (BSI)

¹¹ Tüsho alomi shothsümolorünü anihbe dünkheak tripchoh tüsho tüzhochoh, tümütüsho kheaküa shenü arü kukrukbo muthulo,

AMIKHEAKAKHIUKKHI 18:11 Iomraidhean Croise

MÜCHITMUDU 3:14

tümüde ju chingnü alü thsükhi ju shotoyinchi chingnü alü thsükhi kheaknü atsübe, tüsho ha alü thsükhi ju suna kheaknü atsübe.

ISAIA 13:19

Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 47:15

Hadürü kheak nünü rhimodo, shepü athunuchokinü nü lung tsahkhea; arü alala nihbuh limro ching rümde tsahchoh; nü khümkhitpü she müla.

EZEKIEL 27:9

Gebal azothsürübo tüsho lümlung larü nü sangkung trükhi müjimdode nü lung lakheah; keto sangkungbo alala aberü bede nü kukruk yinzüyindopü nü lung lakheah.

ZEPHANIA 1:11

Mortar ching larü tüzhochoh, tümüde shothsümolorü alala dükheakdo; shotoyinchi adünrü alala mülatsan.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

MATHI 22:5

Tüshe arünü ju süpsüpde lüm tüsho khülangnü nihbuh lu ching tüsho püpürünü nihbuh rhimo ching de yüabah.

JOHAN 2:16

Tüsho apinü müthrithrümpü yinrübo ki tha, “Harü lubah tsoang! I Buh yam ju yinzüyindo yam dükamshih!”

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

AMIKHEAKAKHIUKKHI 18:15

Harü kukruk shothsümolorübo, anihbe lakhit chingnü alü thsürünü alibe thsümüchikhi trede, tripde tüsho achangnü tüzhode limshude azhipbah,

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”

AMIKHEAKAKHIUKKHI 18:9

Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah;