AMIKHEAKAKHIUKKHI 17:8 - AMÜSÜH HÜM CL Bible (BSI)

⁸ Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.

AMIKHEAKAKHIUKKHI 17:8 Iomraidhean Croise

MUNGSHIKHÜN 69:28

Arübo rhangdung hüm chingnü nankhita bahshang tüsho thiyuro-lungkirü lung düthrütshih.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 7:11

Tümütüsho shihjuhnü lülüshishiyu asukkhi düsheak sode inü kheah. Tüsho inü kheahshe, shiwüh ju laksah, tüsho apang thsümünim tüsho motru ching bah.

DANIEL 7:26

Jushu mahkhapkhi labah, tüsho api wu hande atsobah, shahde athsümünimbah.

DANIEL 7:3

tüsho keto chingnü shiwüh atoto phüyi büthsüthsü akhiuk.

DANIEL 7:7

Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

LUKNÜ ATHRÜTKHI THIYUSHEAK-ATSÜ HUHTANYU 8:31

Tüsho arübo thiyukhüm jih-a Abyss ching düyüzahshih de api ki mushu.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

YUNIRÜBO RHIMO 15:18

adüsonü harü mükheahshihbuh Atungpuhnü thachoh.’

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

AMIKHEAKAKHIUKKHI 11:7

Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah,

AMIKHEAKAKHIUKKHI 17:11

Shiwüh küpü labah, kheakü mülade lanü ju kiulongthsürü atizheahpü ah. Api thüne ching ju belah tüsho api dükheakpung ching yüchoh.

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

AMIKHEAKAKHIUKKHI 3:5

Shepünü akuk ngüchonü arü nangde amüye yihbah. Inü küyimkishe rhangdung hüm chingnü api mung nankhita mübah, tüshe I Buh tüsho api yunirübo miki inü api mung khipkhitbah.