AMIKHEAKAKHIUKKHI 17:5 - AMÜSÜH HÜM CL Bible (BSI)

⁵ tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

AMIKHEAKAKHIUKKHI 17:5 Iomraidhean Croise

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

EZEKIEL 16:35

Jumonü nü müzammüramrü, Atungpuh yu aniang!

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

2 TESALONIKA 2:7

Tümüde mümütsankhi mihbukmuyuknü rhimode lah; tüshe shepünü ju thololanü limro chingnü yihkhita mübahyikia adünjipü lakhi ju müdünji.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 11:8

tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 17:7

Tüshe yunirünü I ki tha, “Tümüde müyinsahcho? Inü alibe, tüsho anihbe binkhi aku thüne tüsho ajuh thürü kihkhi lümsük nü ki thabah.

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 7:3

“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”