AMIKHEAKAKHIUKKHI 17:4 - AMÜSÜH HÜM CL Bible (BSI)

⁴ Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah;

AMIKHEAKAKHIUKKHI 17:4 Iomraidhean Croise

1 KIULONG THSÜRÜ 14:24

judüki lomi ching athrürünü arüngyam ching müzammüramrü she alakheah. Atungpuhnü Israel müngüh, yankhita bahkhi trükshihbo athraneanbebo alala arünü yihbeak.

2 KIULONG THSÜRÜ 21:2

Atungpuhnü Israel müngüh yankhita bahkhi trükshihbonü arhimokhi yande, apinü Atungpuh miki amütsü rhimo.

EZRA 9:11

Küpü nü yamlarübo, wukihrübo hode isa ki ha thashihkhea, ‘ Alo küpü nüsanü amükühpü lanü, mihtsürü neak hode mümüsüh, arü thraneanachihkhi hode akheam thripkhühnü khülim khiungde müneana lah.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

EZEKIEL 20:30

Jumonü Israel yamkhün ki thaang: Wuto Atungpuhnü ha thachoh: Nüsa bebuhrünü arhimokhi yande nüsa müneana luba de tüsho arü yo sheak mülakhi mejak dunglim mulong jihba de?

EZEKIEL 24:11

Mokhih kheak ju akeangkeang phüh duboang, junangde ha takde akambah, shotolung lamlam kamchoh, ju ching aneak niuchoh, thrungbo tsühabahchoh.

EZEKIEL 24:13

Tütüshe küyimki inü nü makhamaleak münean chingnü müsühkhea, amünean chingnü nü müsühde mükam; nü kheak I reangkeamde bukmakhiukyi khiungde nü müsühde mükamlo.

EZEKIEL 28:13

Nü a Thrünpuh shahwün, Eden ching lakheah; shotolungbonü nü züt thsü: shotomürüm-lung, shotolung-müküp, tüsho shihshihlung, wurüklung, lungmüsang, tüsho asherühü lung, shotolung-bluk, lungphüyak, tüsho lungmürüm; tüsho sunanü athsükhibo ju nü binpungbo tüsho nü künkihpungbo lakheah. Nü thrünkhi nimung jurübo tsanglung,

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

DANIEL 11:38

Harü müthri apinü chipi thrünpuh ki wüntrebah; api jipürünü mümükheahkhi thrünpuh ki apinü suna tüsho shotoyinchi, shoto lungbo tüsho amo-achak thsambahbonü wüntre jihbah.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

YUZÜNGTHALO 29:17

tüsho arü bolung lakhi athraneanbe tüsho sang le lung tüsho shotoyinchi le sunanü athsükhi sangthsü nüsanü ngüdo;

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 18:12

suna kukruk, shotoyinchi, mürezhingzhing tüsho shotolungbo, khimthünak atsü, mürümmuchu, azhingzhing tüsho aneakrüm khim, rhümthünea sang mungjibo, thsotorü kukrukbo alala, amo achak sang kukrukbo alala, müwayinchi tüsho lungmüye,

AMIKHEAKAKHIUKKHI 18:16

“Are, are, khimthünak atsü, mürümmuchu tüsho aneakrüm yihkhi, suna, mürezhingzhing, tüsho shotolungbo züt thsükhi ato kiuto!

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 21:21

Ripit thürükheak mahne ju sünso thürükheak mahne, ripit abande sünso khülang khülangnü thsü, tüsho kiuto kiudunglimro ju meayinpung nangde suna müthsün lakheah.

AMIKHEAKAKHIUKKHI 9:21

yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.