AMIKHEAKAKHIUKKHI 17:3 - AMÜSÜH HÜM CL Bible (BSI)

³ Apinü I Me chingnü sunglo ching bede yü, tüsho aliberü khülang, athruaji mungbonü mide alakhi aneakrüm shiwüh kheak binde inü ngü, tüsho ju aku thüne tüsho ajuh thürü lakheah.

AMIKHEAKAKHIUKKHI 17:3 Iomraidhean Croise

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

2 KIULONG THSÜRÜ 2:16

Arünü api ki tha, “ Kheakü kheahang, nü yamlarü bolung isa sühmüh lakhi mihtsürü 50 lah; muzhobah arübo yüshang tüsho nü putungpuh yimshang; khükia Atungpuh menü bekih-a lubah awung khürü kheak yungsho jindükhün khürü ching jipkhia bah-a labah.” Apinü alo, “Yung, arübo düyüshih.”

KHÜNBOLUNGKHÜN 8:5

Sunglo chingnü anihbe müyambuh kheak angükihbah atucho ju shepü a? Nü zübepung, mukhiuk dung khüp inü nü yihmusukheah.

EZEKIEL 11:24

Menü I shuhkih tüsho Thrünpuh menü ajikhi michih ching I Babilon ching ramtsorü kilim bedarü. Judüki inü angükhi michih I kheaknü yükihabah,

EZEKIEL 3:12

Judüki menü I shuhkih, tüsho I dunglim arhunganim düsheak ato inü so: “Atungpuh müretahkhi api lapung ching shishang!”

EZEKIEL 8:3

Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 7:20

tüsho aku kheak ajuh thürü kihkhi dünkheak, tüsho püpü juh dünkheak, küpü akhiuk tüsho mahsam keamkhikhea–ju kheak mükbo tüsho lülüshishiyu thakhi mün khülang tüsho püpürü kheaknü atobe lakheah.

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

DANIEL 7:8

Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

MATHI 27:28

Tüsho arünü api khimmih khukkhijihbah mürümmuchu shulünkhim yihkihjih.

YUNIRÜBO RHIMO 8:39

Tüsho küyimki ane ke chingnü akhiukkhea, Atungpuh Menü Philip ram; dukhanü api müngüde kam, tüsho asühde api limro ching yü.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,

AMIKHEAKAKHIUKKHI 12:14

Tüshe alibe kilim müleang topü ghidükeang mahne jihbah phuruto kinü phinde, anihbe kam mahsam kheak thripkhüh kümpü lakhi dangpung sunglo ching yü.

AMIKHEAKAKHIUKKHI 12:3

Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah.

AMIKHEAKAKHIUKKHI 12:6

tüsho alibe ju Thrünpuhnü athsakhamkhi sunglo ching, anihbe nimung 1260 kümpü lakhi lim yüabah.

AMIKHEAKAKHIUKKHI 17:18

Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”

AMIKHEAKAKHIUKKHI 17:4

Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah;

AMIKHEAKAKHIUKKHI 18:12

suna kukruk, shotoyinchi, mürezhingzhing tüsho shotolungbo, khimthünak atsü, mürümmuchu, azhingzhing tüsho aneakrüm khim, rhümthünea sang mungjibo, thsotorü kukrukbo alala, amo achak sang kukrukbo alala, müwayinchi tüsho lungmüye,

AMIKHEAKAKHIUKKHI 18:16

“Are, are, khimthünak atsü, mürümmuchu tüsho aneakrüm yihkhi, suna, mürezhingzhing, tüsho shotolungbo züt thsükhi ato kiuto!

AMIKHEAKAKHIUKKHI 21:10

Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh,

AMIKHEAKAKHIUKKHI 4:2

Judüakede I Me ching lakheah, tüsho kheahang, mihtsürü khülang binbah yinmi ching kiulongthsü-binkiu khülang akhiuk.