AMIKHEAKAKHIUKKHI 17:15 - AMÜSÜH HÜM CL Bible (BSI)

¹⁵ Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah.

AMIKHEAKAKHIUKKHI 17:15 Iomraidhean Croise

MUNGSHIKHÜN 18:4

Ashe liubonü I hingdoa lah, athsümünim düchinü I zhidoa lah;

MUNGSHIKHÜN 65:7

nünü ketobo abükde arungkhi, tüsho mihtsürübo arhunganimkhi keamloshih.

JEREMIA 47:2

Atungpuhnü ha thachoh: Kheahang, dukulimnü kebo akichoh tüsho düchi-bukkhi ayung kambah; arünü lomi tüsho ju ching lakhi kiuto tüsho ju ching larübo zündobah. Mihtsürübonü azhihbah tüsho lomi ching larü alalanü tüzhobah.

JEREMIA 51:13

Nüsa sherü ke ahihdo yean lacho, rahpungbo ching lakhit la, nüsa yo akheam arüdo, nü rhangdung liu yihshakdo.

JEREMIA 51:42

Ketonü Babilon kurungkheak zünkihdo; anihbe ju düchi ke-abükkhinü zündoa lah.

JEREMIA 51:55

Tümüde Atungpuhnü Babilon thsümünima yapshihlah, tüsho anihbenü changde alankhi zhikshihdo. Arü riribo apheankhi ju ke ato arungkhi nangde, arü alanajikhi düsheak alankihchoh;

EZEKIEL 31:4

Kebonü ju toshih, asüknü ju shangde asürüshih, ayungbo bukshihde ju mühi khim, thulu sangdungbo alala kilim yungzübo yüshih.

AMIKHEAKAKHIUKKHI 10:11

Tüsho I ki tha, “Nünü kheaküshe mihtsürübo, trükshih, thiyutha tüsho kiulongthsürü ahihkhüh dünkheak müchitbeah.”

AMIKHEAKAKHIUKKHI 11:9

Tümüde trükshihbo, trükbo, thiyuthabo, boto alala chingnü mihtsürübonü ane ashemibo kheak nimung mahsam kheak thripkhüh kheahbah tüsho ane kiuyuka bahpü reanglobah,

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,