AMIKHEAKAKHIUKKHI 17:14 - AMÜSÜH HÜM CL Bible (BSI)

¹⁴ arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 17:14 Iomraidhean Croise

MUNGSHIKHÜN 110:5

Atungpuh nü khah tsülim lah; api mulong zhipzhip nimung apinü kiulongthsürübo zünakbah.

JEREMIA 1:15

Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 7:21

Inü kheahde lachoki, ha shihjuhnü amüsührübo kheak thirithsü tüsho arü kurungkheak kuk,

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

MATHI 22:14

Tüsho Jisunü akheam thsüde tha, “Ahihdo jiyuk, tüshe anükhüh lang mokhita lah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

ROMRÜ KILIM PAULNÜ ATHRÜTKHI KIHÜM HUHTANYU 1:6

Jisu Khrista yo thsüpü jia larü bolung nüsa she belanü;

ROMRÜ KILIM PAULNÜ ATHRÜTKHI KIHÜM HUHTANYU 8:30

Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

1 KORINT 15:24

Judüki apinü yakzanshuhrü, thiyukhüm-sühmüh tüsho wu alala dükheakshih dunglim Abuh Thrünpuh kilim kiulongthsü jihabahchoki akheam arübah.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

2 TIMOTHI 2:4

Bonungrü shenü she püpü boto rhimo ching marahrungchoh, tümütüsho apinü nihbuh limthorü atorü asühshihpü mulongchoh.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 11:7

Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah,

AMIKHEAKAKHIUKKHI 16:14

tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.