AMIKHEAKAKHIUKKHI 16:6 - AMÜSÜH HÜM CL Bible (BSI)

⁶ tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

AMIKHEAKAKHIUKKHI 16:6 Iomraidhean Croise

2 KIULONG THSÜRÜ 24:4

tüsho apinü neak mükihrü thiyih bukshihkhi dünkheak she ah; tümüde apinü neak mükihrü thiyihnü Jirusalem mishih, tüsho Atungpuhnü neak bahjihpü mümulongde alakheah.

ABEKHIT 21:24

mük müthri mük, hü müthri hü, khah müthri khah, jing müthri jing,

ABEKHIT 7:17

Atungpuhnü ha thachoh, “Ha hode I Atungpuh ah de nünü amükheahbah: Kheahang, I khah ching shuhkhi tsonü inü Nile ke rhapbah, tüsho ju thiyih kambah,

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 26:11

Judüki amükeamrü tüsho wukihrübonü atorü tüsho mihtsürü alala ki tha, “Ha mihtsürü asheshihpü thülünlah, tümütüsho nüsa nükhünnü asokhi nangde, apinü ha kiuto azhihde müchitdo.”

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

EZEKIEL 32:6

Inü lomi ju nü thiyih bukkhinü müzüngbo khiungde chimkhitshihbah, tüsho keyungbo nünü amibah.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

LUKNÜ ATHRÜTKHI THIYUSHEAK-ATSÜ HUHTANYU 12:48

Tüshe shepünü mümükheahkhea, tütüshe ashikpü thülünde lakmihsho nükde ashikbah. Tümütüsho shepü kilim hihde jih-a lanü, api kilimnü hihde akheangbah; tüsho ju kheaknü alü jihbuh kilimnü alübe kheangbah.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.

AMIKHEAKAKHIUKKHI 13:15

Akhuhbe shiwüh mejak kilim sheak jihpü api kheak wu jih; junangde junü thiyu thakhukbah tüsho mejak, kingaünpü arochihrü alala laksahpü lakheah.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 18:24

Tüsho anihbe kheak wukihrübo le amüsührübo, tüsho alomi kheak laksahrü alala thiyih ngü.”

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”