AMIKHEAKAKHIUKKHI 16:4 - AMÜSÜH HÜM CL Bible (BSI)

⁴ Mahsampü yunirünü api phurusük ayungbo le kenübo ching dunga bah, tüsho jurü thiyih kamabah.

AMIKHEAKAKHIUKKHI 16:4 Iomraidhean Croise

MUNGSHIKHÜN 78:44

arü ayungbo tüsho kenübo thiyih kamshih, junangde arünü muyungkhuk.

ABEKHIT 8:5

Judüki Atungpuhnü Mosa ki asuk, “Aron ki thaang, ‘Tso shuhbah nü khah ju yungzübo, ayungbo, kekungbo kumung chungkihang, tüsho Ijip lomi kheak kheangbo yükihshang.’”

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

EZEKIEL 35:8

Inü müzüngbo ju alaksahkhinü amishihbah; nü wungbo kheak tüsho nü jindükhün le jindükhünasükbo ching nukshangnü alaksahrü keambah.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

AMIKHEAKAKHIUKKHI 11:6

Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah.

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 16:5

Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang;