AMIKHEAKAKHIUKKHI 16:19 - AMÜSÜH HÜM CL Bible (BSI)

¹⁹ Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 16:19 Iomraidhean Croise

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

JEREMIA 25:26

dukulim kiulongthsürü alala, limshu tüsho aphüni, akhinashu thsüde, tüsho alomi kheak lakhi alomiküp kiulongthsübo alala. Tüsho arübo dunglim Babilon kiulongthsüpuhnü ayungbah.

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

AMIKHEAKAKHIUKKHI 11:8

tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 17:18

Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

AMIKHEAKAKHIUKKHI 18:10

arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;

AMIKHEAKAKHIUKKHI 18:5

tümüde anihbe neakbo thüning khiungde mujunglah, tüsho Thrünpuhnü anihbe mülimkhibo lümkhitdo.