AMIKHEAKAKHIUKKHI 16:17 - AMÜSÜH HÜM CL Bible (BSI)

¹⁷ Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!”

AMIKHEAKAKHIUKKHI 16:17 Iomraidhean Croise

JOHAN 19:30

Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

EFISIA 6:12

Tümüde isanü shochihkhi ju shih tüsho thiyih azhihde yung, tüshe yakzanshuhrübo, thiyukhüm-sühmühbo, ha amiting lomi wubo tüsho yinmi kiulongthsübo ching amüneanbo me thrungkhibo azhihde ah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 14:15

Tüsho yunirü püpü amo kheak binbuh ki düsheak achangnü jide arüngyam chingnü akhiuk, “Hirhüpbe luang tüsho rhüpang, tümütüsho yimlupü kim arüdo; yimlupü thsüde alomi müna lah.”

AMIKHEAKAKHIUKKHI 14:17

Yinmi arüngyam chingnü yunirü püpü akhiuk, tüsho api she hirhüpbe ayuk khülang lakheah.

AMIKHEAKAKHIUKKHI 16:1

Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.