AMIKHEAKAKHIUKKHI 15:4 - AMÜSÜH HÜM CL Bible (BSI)

⁴ O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 15:4 Iomraidhean Croise

MUNGSHIKHÜN 105:7

Api ju Atungpuh isa Thrünpuh ah; api mahkhapkhibo alomi alala ching lah.

MUNGSHIKHÜN 111:9

Apinü api mihtsürübo kilim arhokhitkhi yüshih; apinü api tangzüng lünnü thiyukhüm jih: Amüsüh tüsho atrebe ju api mung.

MUNGSHIKHÜN 22:23

Nüsa Atungpuh trerübo, api shiang! Nüsa Jakob tsühsoniuso alala, api müretahshang, tüsho nüsa Israel tsührübo, api treang!

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 22:3

Tüshe nü a Israelnü ashijihkhi Amüsühbuh Khülang kiulongthsü-binkiu kheak binlah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

MUNGSHIKHÜN 89:7

Thrünpuh ju amüsührü mukhungkhi ching tode atrepü lah, tüsho api mükamde alarü alalanü wüntre jihpü lah.

MUNGSHIKHÜN 97:8

Zionnü sochoh tüsho asühchoh, tüsho nü mahkhapkhibo dünkheaknü Juda tsührübebo asühachihchoh, O Atungpuh .

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ISAIA 24:15

Jumonü aniakhiuklim Atungpuh ki müretah jihang; keto yean lomibo ching Atungpuh Israel Thrünpuh mung müretahshang.

ISAIA 25:3

Jumonü sühmüh lakhi mihtsürübonü nü müretahbah; mihbukmuyuk trükshih kiutobonü nü trebah.

ISAIA 26:9

I menü nü thsungkheak azhing ching mürheangchoh, I kheak lakhi menü künsahde nü yimchoh. Tümüde küyimki nü mahkhapkhi alomi ching labanü, alomiküp ching larübonü thiyuro-lungki anikhitchoh.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 15:9

tüsho junangde khiungkerünü api amüthsüm thsungkheak Thrünpuh müretahpü lakheah. Ha thrüta lah, “Jumonü inü khiungkerü bolung nü shijihbah, tüsho nü shide khün thsübah”;

1 PETER 1:16

tümütüsho ha thrüta lah, “Nüsa amüsüh labeah, tümüde I amüsüh ah.”

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 16:5

Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang;

AMIKHEAKAKHIUKKHI 16:7

Tüsho kingaün sadam chingnü azhikhi inü so, “Am, Wuto Atungpuh Thrünpuh thiyuro tüsho nü mahkhapkhibo alungki lah!”

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 19:8

alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.