AMIKHEAKAKHIUKKHI 15:3 - AMÜSÜH HÜM CL Bible (BSI)

³ Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 15:3 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

1 KIUTHSÜYUKHEAN 6:49

Tüshe Aron le api tsührübonü taka kingaünbe tüsho rhümthüneabe: kingaün sadam kheak Thrünpuh yamlarü Mosa yukhüm alala yande Israel dünthsükhipü Khide Amüsüh Dangpung rhimo alala rhimode taka kingaün.

2 KIUTHSÜYUKHEAN 24:6

Jumonü kiulongthsüpuhnü Jehoiada ji tüsho api ki tha, “Atungpuh yamlarü Mosanü tangzüng khimyam thsungkheak akhukhi ruk Juda tüsho Jirusalem chingnü lude arüpü tümüde nünü Levirübo yihnüpü müla le?”

NEHEMIA 9:14

Amunimung mümihde azopü nünü arü ki mükheahshih, tüsho nü yamlarü Mosa hode arü ki thiyukhüm, thiyuzüng tüsho yakzanbojih. @1-LINE- SP ACE=

JOB HU H T ANYU 36:24

Api rhimo shijihpü lümkhitang, küpü dünkheak mihtsürünü khün thsü.

JOB HU H T ANYU 5:9

Apinü ato kukrukbo tüsho müyimkhukbe, mihmüyinsahbe kukrukbo mükhebinbe thsüchoh.

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 105:5

Apinü athsükhi api amüyinsahbe rhimobo lümkhitang, api amüyinsahbebo tüsho api mün chingnü mahkhapkhibo,

MUNGSHIKHÜN 111:2

Atungpuh rhimobo ju ato ah, jurü ching asührü alalanü lümakheahdo.

MUNGSHIKHÜN 111:7

Api khah rhimobo ju alungki tüsho thiyuro; api yakliyakko alala athülünkhi lah.

MUNGSHIKHÜN 139:14

Inü nü shijihbah, tümüde nünü I atrebe tüsho amüyinsahbe thsüde thrüna lah; amüyinsahbebo ju nü rhimobo lah, tüsho inü khide tsüde mükheahlah.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 145:6

Mihtsürübonü nü wuto atrebe rhimobo dünkheak asukbah, tüsho inü nü tokhi khipkhitbah.

MUNGSHIKHÜN 18:30

Thrünpuh limro ju abanathsangkhi lah; Atungpuh yu ju mütsanmükhikhi lah; api kheak kinrü alala kilim api ju tsung ah.

MUNGSHIKHÜN 78:12

Apinü Ijip lomi Zoan mükeak ching arü jipürü miki amüyinsahbebo rhimo.

MUNGSHIKHÜN 92:5

O Atungpuh , nü rhimobo küdükhüh ato a! Nü lümkhibo khide süklah.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

YUZÜNGTHALO 31:30

Judüki Mosanü ha khün akheam khiungde Israel boto ki sode khea huh:

YUZÜNGTHALO 32:3

Tümüde inü Atungpuh mung zhiyukjihbah. Isa Thrünpuh tokhi thaang! @SP ACE=

YUZÜNGTHALO 34:5

Jumonü Atungpuh yukhüm nangde, Atungpuh yamlarü Mosa ju Moab lomi ching she.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

IBRI 3:5

Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,

JIHUSUA 22:5

Mosanü ajihkhi yakzan anipü ha tsüde thsakhamang: Atungpuh nü Thrünpuh muzhoang, api limro alala ching tsahang, api yukhümbo aniang, api kheak ramrihang, tüsho nü mulong tüsho nü me athrünkhinü mulongkhitbah api tankihang.”

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 11:17

tha, “Atungpuh Wuto Thrünpuh, isanü nü ki makshe jihchoh, shepü la tüsho shepü lakhea, tüsho arüpü la, tümütüsho nünü wu ato lu tüsho kiulongthsüpü tankih.

AMIKHEAKAKHIUKKHI 14:3

tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit.

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”