AMIKHEAKAKHIUKKHI 15:1 - AMÜSÜH HÜM CL Bible (BSI)

¹ Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.

AMIKHEAKAKHIUKKHI 15:1 Iomraidhean Croise

DANIEL 6:27

Apinü bekhitchoh tüsho khümkhitchoh, apinü yinmi ching tüsho alomi kheak amütsan tüsho khinthiyinbe rhimochoh; tümüde apinü kekhüzübo wu chingnü Daniel khümkhit.”

LEVI 26:21

Kheaküshe nüsanü I azhihsho tüsho I yu manisho, nüsa neak dünkheak thüne ki mutuklode athsümüchibah.

AMIKHEAKAKHIUKKHI 10:3

tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung.

AMIKHEAKAKHIUKKHI 11:14

Mihtrebe mahnepü hodo; kheahang, mihtrebe asampü nahde arüpü lah.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 14:19

Jumonü yunirü junü api hirhüpbe khülim khülim hit tüsho alomi kurungasobo hanmukhung, tüsho Thrünpuh bukakhiukkhi kurungaso nitpung ato ching jipa yüzahshih;

AMIKHEAKAKHIUKKHI 16:1

Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.

AMIKHEAKAKHIUKKHI 8:6

Kheakü hulipungpung thüne zhimbah alakhi yunirü thünenü amütsü thsakhama lakheah.

AMIKHEAKAKHIUKKHI 9:20

Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo;