AMIKHEAKAKHIUKKHI 14:6 - AMÜSÜH HÜM CL Bible (BSI)

⁶ Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;

AMIKHEAKAKHIUKKHI 14:6 Iomraidhean Croise

THRÜNTAN 1:6

Tüsho Thrünpuhnü tha, “Kebo chingnü kebo chamnakde akhunung khülang kamang.”

2 SAMUEL 23:5

I yam Thrünpuh lung müla de? Tümüde apinü I kheak lün yo tangzüngdo, lüpdükhi akhinashu thsüde tüsho kümdoa zojih. Apinü I yihnüpü tüsho inü akünkhi akuk müngüshihba de?

MUNGSHIKHÜN 119:142

Nü thiyuro-lungki ju akheam müla thiyuro-lungki ah, tüsho nü yakzan ju thiyuro.

MUNGSHIKHÜN 139:24

tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

ISAIA 40:8

Sangrung yiuhchoh, sangbün keamkhichoh; tüshe isa Thrünpuh yu lünnü azhipbah.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

ISAIA 51:8

Tümüde khim khülang ruk arinü arü tsühabahbah, tüsho shihnamkhim nangde arinü arü tsühbah; tüshe inü abekhitpü lünnü alabah, tüsho I akhümkhit lünnü lün labah.

ISAIA 6:2

Api kumung seraphbo lakheah; arü abande ghidükeang thuruk kih-a lakheah: mahnenü arü miro lüpdo tüsho mahnenü arü jing lüpdo, tüsho mahnenü phinde alakheah.

EZEKIEL 1:14

Shiwühbonü chinchobe phürapkhibo nangde dunglim tüsho müngüh yungdüyü yunglodarü de thsü.

DANIEL 4:1

Kiulongthsüpuh Nebukednezarnü mihtsürü alala, trükshihbo, tüsho alomi ching lakhi thiyutha kilim: Nüsa mungtsü laang!

DANIEL 9:21

I tamkhüntamnüde alachoki, akhuh ngükhi michih ching inü angübuh mihtsürü Gabriel arelim kingaünkhi kim ching I ki phinde aki.

MATHI 10:27

Tümüpürü inü amiting ching nüsa ki thachonü, animuro asukang, tüsho tümü nüsa nükhün ching sochonü, thüyam münbo kheaknü zhiang.

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

1 PETER 1:25

tüshe Atungpuh yu lünnü lah.” Tüsho nüsa ki thsangyuthsangrakhi thiyusheak atsü ju ha lakheah.

AMIKHEAKAKHIUKKHI 10:11

Tüsho I ki tha, “Nünü kheaküshe mihtsürübo, trükshih, thiyutha tüsho kiulongthsürü ahihkhüh dünkheak müchitbeah.”

AMIKHEAKAKHIUKKHI 10:7

tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.

AMIKHEAKAKHIUKKHI 13:7

Api kilim amüsührü bede thirithsüpü tüsho arü kukpü she wu jih-a lakheah. Tüsho trük aban, mihtsürü, thiyutha tüsho trükshih kurungkheak thiyukhüm-sühmüh wu jih-a lakheah.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”