AMIKHEAKAKHIUKKHI 14:5 - AMÜSÜH HÜM CL Bible (BSI)

⁵ tüsho arü mün ching akeangyu müngü, tümüde arü jakreak mükih.

AMIKHEAKAKHIUKKHI 14:5 Iomraidhean Croise

MUNGSHIKHÜN 32:2

Mihtsürü shepü neak Atungpuhnü api azhihde mükhecho, tüsho shepü me ching mülapmüji mülanü müngühmühi.

MUNGSHIKHÜN 34:13

Amütsü asukpü tüsho akeangyu thapü chingnü nü mulo tüsho nü mün tukloang.

MUNGSHIKHÜN 55:11

Athsümünimbe ju bolung lah; mülapmüji tüsho amülim kiudunglimrobo chingnü müchamachih.

MÜCHITMUDU 8:8

I mün yubo alala thiyuro-lungki ching lah; jurü ching akhürang yungsho bephülapkhi tümü müla.

KHÜNBOLUNGKHÜN 4:7

Nü a lüpdükhi jak tsülah, I tsübe; nü kheak areak kihkhi müla.

ISAIA 53:9

Apinü thiyih mubuka lalashe tüsho amün ching akeangyu mülalashe, Arünü api mibahpung ju mihbukmuyuk lung thsü tüsho api kiuyuk alarü lung thsü.

DANIEL 6:4

Jumonü kiuthsürü tüsho kovünorbonü kiulongthsü dünkheak Daniel azhihde atsangpü jing-thrümpung yimkhitpü mürang. Tüshe arünü atsangpü thsungkheak jingthrümpung yungsho athsümünim tümü müyimkhit, tümütüsho api thülünde alakheah, tüsho sheakmadukkhi yungsho athsümünim tümü api kheak müyimkhitkhukde alakheah.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

MALAKI 2:6

Thiyuro yakzan api mün ching lakheah, tüsho api münküp kheak amülim tümü müngü. Apinü azhihayih tüsho alungki ching I lung tsah, tüsho apinü ahihkhüh amülim chingnü rholoshih.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

LUKNÜ ATHRÜTKHI THIYUSHEAK-ATSÜ HUHTANYU 23:4

Judüki Pilatnü amükeam putungrübo tüsho boto ki tha, “Inü ha mihtsürü kheak amülim tümü müyimkhit.”

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

KOLOSI 1:22

api miki nüsa amüsüh, areak mükihde tüsho amülim mülashihpü thsüde api shekhi hode apang ching kheakü apinü tsüarihlodo.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.

1 PETER 2:22

Apinü neak müyihbeak; amünnü akeangyu mütha.

1 PETER 3:10

Amüsühyunü thachoh, “Shepünü rhangdung muzhola tüsho atsü nimungbo ngüpü künlanü amütsü asukpü tüsho akeangyu thapü tuklobeah.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,