AMIKHEAKAKHIUKKHI 14:4 - AMÜSÜH HÜM CL Bible (BSI)

⁴ Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

AMIKHEAKAKHIUKKHI 14:4 Iomraidhean Croise

MUNGSHIKHÜN 45:14

Khimmih aphuaphu chingnü anihbe kiulongthsüpuh kilim bede yü; atsangkhitkhi anihbe müyamrübo alibe yande nü kilim bede arüdo.

MUNGSHIKHÜN 74:2

Nünü adüsonü amokhitkhi nü borü, nü yamrüplurüp thsüpü rhokhitkhi lümkhitang! Nü lakhi Zion Müzüng lümkhitang.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 6:8

Kiulongthsüberü 60, hanniuberü 80 tüsho anünürü mükhekhi lah.

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

MATHI 19:12

Tümütüsho khürü a berü buk chingnü dukha zübechoh, tüsho khürü a mihtsürünü athsakhamkhi lah, tüsho khürü a yinmi kiulongthsü dünkheaknü nihbuh küdah thsüde athsakhamkhi lah. Shepünü ha leangkhipü kuklanü leangkhiang.”

MATHI 25:1

“Judüki yinmi kiulongthsü ju atsangkhit anünürü 10 arü tsünpung shuhbah yamkhün-kamrü mihleang yükhi kiphahde alabah.

MATHI 8:19

Judüki yakzan thsangyurü khürü arübah api ki tha, “Thsangyurü, nü kürü ching yübanü inü nü yanbah.”

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 13:37

Peternü api ki tha, “Atungpuh, tümü thsükhi kheakü inü nü müyankhukpü? Nü dünkheaknü inü I rhangdung jihbah.”

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

1 KORINT 16:15

Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah;

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

1 KORINT 7:28

Tüshe nü yamkhün thsüsho nünü neak müyihbeakchoh, tüsho aliberü khülang ju rhangsho anihbenü neak müyihbeakchoh. Tüshe sherü yamkhün thsüchonü alomi küpkhukbo labah, tüsho inü ju chingnü nüsa tsokhitshihnelah.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

EFISIA 1:14

Me ju api müretah shijihpü isanü lakhit-kukruk muluyi khiungde isa yamrüplurüp ngüpü thiyuchihchim lah.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

1 TIMOTHI 4:3

Arünü mihtsürübo yamkhün thsüpü zhipdochoh tüsho akinrü le thiyuro mükheahrünü makshe jihde aleangkhishihpü Thrünpuhnü athrünjihkhi tsühyungbe khürü mütsühpü thiyukhüm jihchoh.

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 21:22

Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.

AMIKHEAKAKHIUKKHI 3:4

Tütüshe nü arü khimmihbo mümüneankhi Sardis ching khürü lah; tüsho arünü amüye yihbah I lung tsahbah, tümüde arü thülünlah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,