AMIKHEAKAKHIUKKHI 14:2 - AMÜSÜH HÜM CL Bible (BSI)

² Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah,

AMIKHEAKAKHIUKKHI 14:2 Iomraidhean Croise

2 SAMUEL 6:5

David tüsho Israel yamkhün alalanü arü sühmüh alalanü khün thsüde, bingkhung, bingshang, züpzüppü, akingbe tüsho larüp shuhbah A TUN GPU H müngüh tsün.

2 KIUTHSÜYUKHEAN 20:28

Arünü bingshang le bingkhung tüsho hulipungpungbo shuhbah Jirusalem ching Atungpuh yam lim arü.

MUNGSHIKHÜN 147:7

Atungpuh kilim makshe jihde khün thsang; isa Thrünpuh kilim bingshang bede mungshikhibo khün thsang,

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 33:2

Bingshang bede Atungpuh shiang; aliu-thürü kihkhi bingkhungnü api ki khün khungang.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 57:8

Asürang I me! Asürang I bingshang tüsho bingkhung! Inü ani asürüshihbah.

MUNGSHIKHÜN 92:3

aliu thürü kihkhi bingkhung tüsho bingshang khungde.

MUNGSHIKHÜN 93:4

Atungpuh changkhi ju ke ahihdo arungkhi, keto abükkhi atobo kheaknü atobe ah.

MUNGSHIKHÜN 98:5

Bingshang tüsho mungshikhün düsheaknü Atungpuh ki khün thsang,

ABEKHIT 19:16

Asam nipü yapsu müzüng kumung amo akheah kihde tsüngmuk tüsho chinchobe lakheah, tüsho hulipungpung khide achangnü müt, jumonü binkheampung ching mihtsürü alala ajan.

ABEKHIT 20:18

Kheakü mihtsürü alalanü tsüngmuk, chinchobe, hulipungpung düsheak tüsho müzüng kheak mokhühkhi kheahde alakheah. Tüsho küyimki arünü ju ngükheanü, arübo ajan tüsho limshu ching zhip.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

EZEKIEL 43:2

Tüsho ju ching Israel Thrünpuh müretahkhi ju aniakhiuklimnü arüde alakheah; düsheak ju keto ato düsheak nangde alakheah; tüsho api müretahkhinü alomi tah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

1 KORINT 13:1

Inü mihtsürübo tüsho yunirü yuthabo chingnü thatha she, amuzho mülasho I ju yinchi kingkhi yungsho larüp kingachihkhi düsheak khülang ah.

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,

AMIKHEAKAKHIUKKHI 1:15

api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah;

AMIKHEAKAKHIUKKHI 11:12

Judüki yinmi chingnü düsheak achangnü ane ki thakhi so, “Halim akihang!” Tüsho ane riribo mikinü anenü amo chingnü yinmi lim yükih.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 15:2

Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü.

AMIKHEAKAKHIUKKHI 18:22

bingkhung khungrü tüsho khün thsürü, khungpi khungrü tüsho hulipungpung khungrü nü kheaknü musolo; kheaklahrü nü kheak müngülo; tüsho hizübe-lung düsheak nü kheak musolo;

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

AMIKHEAKAKHIUKKHI 6:1

Kheakü Namfimihnununü ayümdokhi thüne bolung khülang khimshuhde inü ngü tüsho shiwüh phüyi bolung khülangnü tsüngmuk düsheak nangde athakhi inü so, “Arang!”

AMIKHEAKAKHIUKKHI 8:7

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.