AMIKHEAKAKHIUKKHI 14:15 - AMÜSÜH HÜM CL Bible (BSI)

¹⁵ Tüsho yunirü püpü amo kheak binbuh ki düsheak achangnü jide arüngyam chingnü akhiuk, “Hirhüpbe luang tüsho rhüpang, tümütüsho yimlupü kim arüdo; yimlupü thsüde alomi müna lah.”

AMIKHEAKAKHIUKKHI 14:15 Iomraidhean Croise

THRÜNTAN 15:6

Abramnü Atungpuh kheak kin, tüsho api kilim anihbuh ju thiyuro-lungki khejih.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

JEREMIA 51:33

Tümüde Wuto Atungpuh , Israel Thrünpuhnü ha thachoh: Tsührübe Babilon a hinitpung ching nitkhi nangde lah, anihbe yimlupü kim nahde arübah.

JOEL 3:13

Hirhüpbe yukang, tümüde yimlupü khiunga lah. Yüzahang, nitang, tümüde yukhu nitpung milah. Pangjiphühbo zhikhiuklah, tümüde arü mihbukmuyuk tolah.

MATHI 13:30

Yimlupü khiungde ane rukhüh asürüshang, tüsho yimlupü kim ching inü yimlurübo ki thabah, “Akhuhde muthsuaberimbo hanmukhungang tüsho mo ching takpü athsün athsün thsang, tüshe hi a I jakam ching hanmukhungang.”’”

MATHI 13:39

Thiriri shepünü jurü hiukheanü arimri, yimlupü ju lün akheam, tüsho yimlurübo ju yunirübo.

MATHI 23:32

Dale nüsa jipürünü atankihkhi atsamabahang.

MARK 4:29

Tüshe küyimki hi münbanü, apinü hirhüpbenü arhüppü tankihchoh, tümütüsho yimlupü kim khiungdo.”

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 13:12

Apinü akhuhbe shiwüh thsung thsüde api thiyukhüm-sühmüh alala ahori, tüsho alomi le ju ching larübonü ashebe mü thsüngukhi akhuhbe shiwüh ju kingaünshih.

AMIKHEAKAKHIUKKHI 14:14

Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah.

AMIKHEAKAKHIUKKHI 14:16

Jumonü amo kheak binbuhnü api hirhüpbe alomi kheak khülim khülim hit tüsho alomi ju yimlu.

AMIKHEAKAKHIUKKHI 14:17

Yinmi arüngyam chingnü yunirü püpü akhiuk, tüsho api she hirhüpbe ayuk khülang lakheah.

AMIKHEAKAKHIUKKHI 14:18

Judüki yunirü püpü mo kurungkheak wu lakhi kingaün sadam limnü akhiuk, tüsho hirhüpbe ayuk shuhbuh ki düsheak achangnü zhi, “Hirhüpbe ju luang tüsho alomi kurungasolu chingnü kurungaso keangthrünbo rhüpmukhungang, tümütüsho kurungasobo müna lah.”

AMIKHEAKAKHIUKKHI 15:6

tüsho arüngyam chingnü yunirü thüne, arüm thüne lubah, ayinatrüm khimthünak müthsün yih tüsho arü treangbo suna treangkhümbebonü rümbah akhiuk.

AMIKHEAKAKHIUKKHI 16:17

Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!”

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”