AMIKHEAKAKHIUKKHI 14:1 - AMÜSÜH HÜM CL Bible (BSI)

¹ Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah.

AMIKHEAKAKHIUKKHI 14:1 Iomraidhean Croise

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

ISAIA 49:14

Tüshe Zionnü tha, “Atungpuhnü I bahyukdo, I Tungpuhnü I mihdo.”

JEREMIA 1:11

Atungpuhnü I ki keokhi, “Jeremia, nünü tümü ngücho?” Tüsho inü tha, “ Inü almond sangkhah khülang ngüchoh.”

EZEKIEL 1:4

Inü kheah, tüsho dukulim tsüngpungtsüngpung khülang arükhi ngü–amo ato ching chinchobe phürapde tüsho atahkihkhi ayinnü mükamdoa lakheah. Aphulungbe mo ju müwayinchi taklamlamkhi nangde lakheah,

EZEKIEL 10:1

Inü kheah, tüsho cherubim kubo kurungkheak adüthrün kumung ju shotolung-bluk kiulongthsü-binkiu nangde ngü.

EZEKIEL 10:9

Inü kheah, tüsho cherubim aban rheang ki lolungbe-jing phüyi ngü; lolungbe-jingbo ju shoto zhingzhing nangde rakrak alakheah.

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

EZEKIEL 44:4

Jushu apinü I dukulim chipiripit limronü arüngyam mikhuh bedarü; tüsho inü kheah, tüsho kheahang! Atungpuh müretahkhinü Atungpuh arüngyam mia lakheah; tüsho inü I miro mükhüm.

EZEKIEL 8:7

Jushu apinü I khikzhakpung limro bebah arü. Inü kheah, tüsho inü rhü ching akhün khülang ngü.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

DANIEL 12:5

Judüki, I Danielnü kheah, tüsho püpürü mahne akhiuk, khülang ha ayung yean kheak tüsho püpü ju thripkhüh yean lakheah.

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

AMOS 8:2

Apinü tha, “Amos, nünü tümü ngücho?” Tüsho inü alo, “Muzhu sangaso zahkhi muluk khülang.” Jushu Atungpuhnü I ki tha, “ I mihtsürü Israel kheak akheam arüdo; inü arü thsümüchipü I lümkhi mümüthrilo.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

ZEKARIA 4:2

Apinü I ki tha, “ Nünü tümü ngücho?” Tüsho inü alo, “ Inü sunanü athsükhi khülang, aku kheak phurusük kihbah ngüchoh; ju kheak tsünpung thüne lah, tsünpung aban aku kheak hühpung kihlah.

LUKNÜ ATHRÜTKHI THIYUSHEAK-ATSÜ HUHTANYU 12:8

“Inü nüsa ki thachoh, shepünü mihtsürübo miki I leangkhibanü, Thrünpuh yunirübo miki Mihtsürü Tsührünü she api leangkhibah.

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

AMIKHEAKAKHIUKKHI 14:14

Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah.

AMIKHEAKAKHIUKKHI 14:3

tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit.

AMIKHEAKAKHIUKKHI 15:5

Ha dunglim inü kheah, tüsho yinmi ching thiyumütsan khimyam, arüngyam ju khimshuh,

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”

AMIKHEAKAKHIUKKHI 6:8

Tüsho kheahang, khora amükin khülang inü ngü, tüsho abebuh mung ju Ashekhi lakheah tüsho Athsümüchinü api dunglim yan; tüsho nukshangnü, khümzungnü, arümnü tüsho alomi shiwühbonü asheshihpü shihcham phüyi ching khülang kurungkheak wu jih-a lakheah.