AMIKHEAKAKHIUKKHI 13:6 - AMÜSÜH HÜM CL Bible (BSI)

⁶ Thrünpuh athruajipü tüsho api mung le api lapung tüsho yinmi ching larü athruajipü api mün khimshuh.

AMIKHEAKAKHIUKKHI 13:6 Iomraidhean Croise

JOB HU H T ANYU 3:1

Ha dunglim Jobnü api mün khimshuh tüsho api zübekhi nimung athru:

MUNGSHIKHÜN 73:9

Arünü yinmibo azhihde arü mün mujuhchoh, tüsho arü mulo alomi hode tsahchoh.

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

DANIEL 7:8

Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

ROMRÜ KILIM PAULNÜ ATHRÜTKHI KIHÜM HUHTANYU 3:13

Arü thrukeang ju akhimshuhkhi kiuyuk ah, arü mulonü mülapyukchoh. Arü münküpbo khüp phuruto müzüm lah.

KOLOSI 1:19

Tümüde api kheak Thrünpuh khiukdahkhi alala lapü asüh,

KOLOSI 2:9

Tümüde api kheak abanathsangkhi Thrünpuh pangnü lachoh,

IBRI 9:2

Arüngkhimyam ju thsü. Akhuhbe khiungshak ching tsünpung-zopung, dükhüm tüsho müsühkhitkhi yikhap lakheah; ha Amüsüh Dangpung de ji.

IBRI 9:24

Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah.

AMIKHEAKAKHIUKKHI 11:12

Judüki yinmi chingnü düsheak achangnü ane ki thakhi so, “Halim akihang!” Tüsho ane riribo mikinü anenü amo chingnü yinmi lim yükih.

AMIKHEAKAKHIUKKHI 12:12

O yinmi tüsho nüsa ju ching larübo, asühachihang! Tüshe nüsa alomi tüsho keto are, tümüde amünean bukakhiukkhi ato chingnü nüsa kilim akido; tümütüsho api kim zhomalah de apinü mükheahlah!”

AMIKHEAKAKHIUKKHI 15:5

Ha dunglim inü kheah, tüsho yinmi ching thiyumütsan khimyam, arüngyam ju khimshuh,

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 5:13

Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!”

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,