AMIKHEAKAKHIUKKHI 13:2 - AMÜSÜH HÜM CL Bible (BSI)

² Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih.

AMIKHEAKAKHIUKKHI 13:2 Iomraidhean Croise

2 KIULONG THSÜRÜ 2:24

Küyimki apinü rholobah arü ngükhea, apinü Atungpuh mung chingnü arübo athru. Judüki kuto dreto 2 murung chingnü akhiuk tüsho azürü 42 ju adütre kamde chakthünak.

MUNGSHIKHÜN 22:21

Kekhüzübo mün chingnü, mütüm moshipungbo juhbo chingnü I khümkhitang.

MÜCHITMUDU 17:12

Makharü khülang anihbuh makhade makeangkhi ching shorupü kheaknü a anunubo jangkhide atsokhi kuto dreto shorukhi atsübe ah.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

ISAIA 5:29

Arü arungkhi kekhüzü nangde arungchoh; arünü ahukchoh tüsho shih ramchoh, arünü lude tsochoh, tüsho shenü müyankhikhuk.

JEREMIA 13:23

Ethiopiarünü arü küp müthrikhukba de, yungsho sangtsungbonü arü yak müthrikhukba de? Jushu lang nünü she amütsü rhimode alakhi atsü rhimobah.

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

AMOS 3:12

Atungpuhnü ha thachoh: Namfimihnu neakrü jing mahne yungsho nuku khülang kekhüzü mün chingnü ayankhikhi nangde, Samaria ching lakhi Israel mihtsürü dükhüm-binkiu mungkhüh tüsho yapkiu shihchamkhüh kheak binrü khümkhitbah.

AMOS 5:19

khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde!

HABAKKUK 1:8

Arü khorabo ju sangtsung kheaknü athribe, are tsahbe rimre kheaknü alü amüshakbe; arü khorabonü khuchoh. Arü khoraberübo limshu chingnü arüchoh; arünü müleang phinkhi nangde shih tsühpü yungde akichoh.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 12:13

Tüsho küyimki dragonnü api alomi ching jipkhia bahkhi ngükhea, apinü khungarü athrürü zübejihkhi liberü müsham.

AMIKHEAKAKHIUKKHI 12:15

Phurutonü anihbe ju kekingnü zünde atsopü thsüde amün chingnü ayung nangde ke bukkhitshih.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:12

Apinü akhuhbe shiwüh thsung thsüde api thiyukhüm-sühmüh alala ahori, tüsho alomi le ju ching larübonü ashebe mü thsüngukhi akhuhbe shiwüh ju kingaünshih.

AMIKHEAKAKHIUKKHI 13:4

Mihtsürübonü dragon kingaün, tümüde apinü shiwüh kilim thiyukhüm-sühmüh jih, tüsho arünü shiwüh kingaünde tha, “Shiwüh nangde shepü la, tüsho shepünü ju bede keochihpü kukla?”

AMIKHEAKAKHIUKKHI 16:10

Aphüngüpü yunirünü api phurusük shiwüh kiulongthsü-binkiu kheak dunga bah, tüsho ju kiulongthsü amiting ching lakheah; mihtsürübonü thsünükhi hode arü mulo mükap

AMIKHEAKAKHIUKKHI 17:12

Tüsho nünü angükhi ajuh thürü ju kiulongthsü wu müleangkhiyikhi kiulongthsürü thürü ah, tüshe arübo shiwüh bolung rukhüh kimkhü 1 thsungkheak kiulongthsürübo thsüpü thiyukhüm-sühmüh leangkhibah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,