AMIKHEAKAKHIUKKHI 13:18 - AMÜSÜH HÜM CL Bible (BSI)

¹⁸ Ha lümlung ah: shepü anikhitkhi lanü shiwüh khekhi ju kheakheahang, tümüde ha mihtsürü khekhi lah, ha khekhi ju 666.

AMIKHEAKAKHIUKKHI 13:18 Iomraidhean Croise

MUNGSHIKHÜN 107:43

Sherübo lümlung lanü harübo anibah. Tüsho arünü Atungpuh mihmuzho anikhitbah.

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

MARK 13:14

“Tüshe küyimki nüsanü ‘adükheakshihpü athraneanbe’ Daniel wukihrünü athakhi amüzhippung ching zhipde angübanü–akherünü anikhitang–judüki sherü Judea ching lanü müzüngbo ching tsoang.

ROMRÜ KILIM PAULNÜ ATHRÜTKHI KIHÜM HUHTANYU 3:5

Tüshe isa mihbukmuyukkhinü Thrünpuh thiyuro huhpü thsüsho, isanü tümü thaba? Apinü isa thsümüchichoki Thrünpuhnü amülim thsüchoh de isanü athakhukba de? (Inü mihtsürü ayannü thachoh.)

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

AMIKHEAKAKHIUKKHI 1:3

Shepünü müchitkhi yubo achangnü khechonü asühpü, tüsho sherünü anicho, tüsho sherünü ju ching thrütkhi mihyuanichonü asühpü; tümüde kim thüninde lah.

AMIKHEAKAKHIUKKHI 15:2

Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü.

AMIKHEAKAKHIUKKHI 17:9

Ha lümlung tüsho anikhitkhi thsungkheak lah: aku thüne ju alibe binde alakhi awung thüne ah;

AMIKHEAKAKHIUKKHI 21:17

Apinü chipi she, yunirünü ahorikhi, mihtsürübuh yo akebenü khahnap 144 ake.