AMIKHEAKAKHIUKKHI 13:16 - AMÜSÜH HÜM CL Bible (BSI)

¹⁶ Kheaküshe junü anini tüsho ato, alarü tüsho zhochihrü, zuzu tüsho azhorü alala tsülim khah yungsho kingkang kheak mütsan yihkihpü reangkih,

AMIKHEAKAKHIUKKHI 13:16 Iomraidhean Croise

2 KIUTHSÜYUKHEAN 15:13

Athunu yungsho ashinkhi, athrürü yungsho aliberü thsüthsü, shepünü Atungpuh , Israel Thrünpuh müyimbanü asheshihpü thsü.

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

MUNGSHIKHÜN 115:13

Apinü Atungpuh trerü, anini tüsho ato chido müngühjihbah.

MUNGSHIKHÜN 49:2

abobe tüsho achangbe chido, alarü tüsho zhochihrü rukhühnü.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

ZEKARIA 13:6

Tüsho khürünü api ki, “ Nü khüh kheak ha tümü mübo a le?” de thasho, apinü alobah, “ I müyamrübo yam chingnü ayihkhukkhi mübo ah.”

YUNIRÜBO RHIMO 26:22

Khihni khiungde Thrünpuh kilimnü arükhi arung lah, junangde püpü thsungkheak müthade wukihrübo tüsho Mosanü athakhi dünjipü lakhi anini tüsho ato chido ki inü thiyumütsan thsüde zhiplah:

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

GALATIA 6:17

Kheakünü rünbah mihtsürü shenü she I küpkhuk düjihshih; tümüde inü I pang kheak Jisu yo areakbo hanlah.

EFISIA 6:8

tümütüsho azhorü yungsho zuzu larü thsüthsü, sherünü tümüpürü atsü rhimobanü, apinü ju nangde Atungpuh kilimnü aleangkhibah de nüsanü mükheahlah.

YUZÜNGTHALO 11:18

“Jumonü nüsanü I yu harübo nüsa mulong tüsho me ching zoang tüsho jurübo mümihpü thsüde nüsa khahbo tüsho kingkangbo kheak rümkihang.

YUZÜNGTHALO 6:8

Jurübo mütsan thsüde nüsa khahbo tüsho nüsa kingkangbo kheak rümkihang.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

2 TIMOTHI 3:8

Jannea tüsho Jambrea bünenü Mosa azhihkhi nangde lümkhi amütsü tüsho akin thsümünimkhi mihtsürübonü she thiyuro azhihchoh;

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 15:2

Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü.

AMIKHEAKAKHIUKKHI 19:18

kiulongthsürübo shih, wühkenorübo shih, mungkhung mihtsürübo shih, khorabo le aberübo shih, tüsho mihtsürü alala shih tsühpü zuzu tüsho azhorü, anini tüsho ato.”

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 19:5

Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.”

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

AMIKHEAKAKHIUKKHI 6:15

Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde,

AMIKHEAKAKHIUKKHI 7:3

“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”