AMIKHEAKAKHIUKKHI 13:15 - AMÜSÜH HÜM CL Bible (BSI)

¹⁵ Akhuhbe shiwüh mejak kilim sheak jihpü api kheak wu jih; junangde junü thiyu thakhukbah tüsho mejak, kingaünpü arochihrü alala laksahpü lakheah.

AMIKHEAKAKHIUKKHI 13:15 Iomraidhean Croise

THRÜNTAN 2:7

Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

MUNGSHIKHÜN 115:5

Arü münbo lah, tüshe arünü thiyu mütha; arü mükbo lah, tüshe arünü müngü;

JEREMIA 10:14

Mihbüm aban keakeashahshahlah tüsho mükheahmudu müla; sunakingrübo alala arü sangthsübonü achih ngüshih; tümüde arü sangthsübo akeangyu tüsho arü kheak sheak müla.

JEREMIA 10:5

Arü sangthsübo ju liuheak lu ching wuhnu-dütrütbe nangde lah, tüsho arünü masukachihkhuk; arübo ahanbeah, tümüde arünü mütsahkhuk. Arü ki dütre, tümüde amütsü müthsükhuk, yungsho arü kheak atsü thsüpü müla.

JEREMIA 51:17

Mihbüm abannü zhazhalah tüsho mükheahmudu müla; sunakingrübo alala arü sangthsübo hode achih ngüdo; tümüde arü mejakbo amülim tüsho arü kheak sheak müla.

DANIEL 7:20

tüsho aku kheak ajuh thürü kihkhi dünkheak, tüsho püpü juh dünkheak, küpü akhiuk tüsho mahsam keamkhikhea–ju kheak mükbo tüsho lülüshishiyu thakhi mün khülang tüsho püpürü kheaknü atobe lakheah.

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

HABAKKUK 2:19

Nüsa sherünü sang ki, “Asürang!” de thacho, malankhi lung ki, “ Wusuang” de thachonü are. Hanü thsangyukhukla de? Kheahang, ha suna tüsho shotoyinchi mujukihkhi lah, tüsho ju ching sheak müla.

JAKOB 2:26

Tümüde me mübesho pang ju ashekhi lakhi nangde, rhimobo mübesho akin ju ashekhi ah.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

AMIKHEAKAKHIUKKHI 13:12

Apinü akhuhbe shiwüh thsung thsüde api thiyukhüm-sühmüh alala ahori, tüsho alomi le ju ching larübonü ashebe mü thsüngukhi akhuhbe shiwüh ju kingaünshih.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 14:11

Tüsho arü thsümüchikhi mokhüh lünnü lün yükihchoh; harü shiwüh tüsho mejak kingaünrü tüsho ju mung amütsan yihkih-a lurü azhing ayin sühakhim müla.”

AMIKHEAKAKHIUKKHI 14:9

Tüsho püpü yunirü, mahsampünü ane dunglim yande düsheak achangnü tha, “Khürünü shiwüh tüsho ju mejak kingaünsho, tüsho api kingkang yungsho khah kheak amütsan yihkih-a lasho,

AMIKHEAKAKHIUKKHI 16:2

Jumonü akhuhbuh yunirünü yü tüsho api phurusük ju alomi kheak dunga bah, tüsho shiwüh areak hanrü tüsho ju mejak kingaünrü mihtsürü kheak amünean tüsho amütsü mübo akhiuk.

AMIKHEAKAKHIUKKHI 16:5

Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang;

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 17:17

Tümüde Thrünpuh yubo müdünjiyi khiungde arü wu shiwüh kilim jih-a yakzan shuhshihpü mulongpü thsüde akuk ngüshihpü Thrünpuhnü arü mulongbo ching yukjih.

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 18:24

Tüsho anihbe kheak wukihrübo le amüsührübo, tüsho alomi kheak laksahrü alala thiyih ngü.”

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.