AMIKHEAKAKHIUKKHI 12:3 - AMÜSÜH HÜM CL Bible (BSI)

³ Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah.

AMIKHEAKAKHIUKKHI 12:3 Iomraidhean Croise

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

DANIEL 2:41

Nünü ajing tüsho jingkutopü chamkhüh alo nungkhi tüsho chamkhüh yinchi ngükhi nangde, ha achamnak kiulongthsü labah; nünü yinchi ching alo thsürua ngüngü she, ju ching yinchi sühmüh khürü labah.

DANIEL 2:42

Jingkutopü chamkhüh yinchi tüsho chamkhüh alo lakhi nangde, kiulongthsü ju chamkhüh amüküp tüsho chamkhüh athrathra labah.

DANIEL 7:20

tüsho aku kheak ajuh thürü kihkhi dünkheak, tüsho püpü juh dünkheak, küpü akhiuk tüsho mahsam keamkhikhea–ju kheak mükbo tüsho lülüshishiyu thakhi mün khülang tüsho püpürü kheaknü atobe lakheah.

DANIEL 7:24

Shihjuh thürü ju kiulongthsü chingnü kiulongthsürü thürü asürübah, tüsho arü dunglim püpü asürübah. Api ju akhuhrübo kheaknü büthsü labah, tüsho kiulongthsürü mahsam ayoshihbah.

AMIKHEAKAKHIUKKHI 12:1

Tüsho thüning kheak amütsan ato akhiuk; aliberü khülangnü ani phuyu, ajing khüp khinu la, tüsho aku kheak chining thürükheak mahne kuthran lakheah.

AMIKHEAKAKHIUKKHI 12:13

Tüsho küyimki dragonnü api alomi ching jipkhia bahkhi ngükhea, apinü khungarü athrürü zübejihkhi liberü müsham.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;

AMIKHEAKAKHIUKKHI 12:7

Kheakü yinmi ching Maikel tüsho api yunirübonü dragon azhihde thirithsü akhiuk; tüsho dragon le api yunirübonü keochih,

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

AMIKHEAKAKHIUKKHI 13:2

Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih.

AMIKHEAKAKHIUKKHI 13:4

Mihtsürübonü dragon kingaün, tümüde apinü shiwüh kilim thiyukhüm-sühmüh jih, tüsho arünü shiwüh kingaünde tha, “Shiwüh nangde shepü la, tüsho shepünü ju bede keochihpü kukla?”

AMIKHEAKAKHIUKKHI 15:1

Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.

AMIKHEAKAKHIUKKHI 16:13

Tüsho dragon mün chingnü, shiwüh mün chingnü tüsho arükchih wukihrü mün chingnü kheangbo nangde amünean mebo mahsam akhiukshihde inü ngü;

AMIKHEAKAKHIUKKHI 17:12

Tüsho nünü angükhi ajuh thürü ju kiulongthsü wu müleangkhiyikhi kiulongthsürü thürü ah, tüshe arübo shiwüh bolung rukhüh kimkhü 1 thsungkheak kiulongthsürübo thsüpü thiyukhüm-sühmüh leangkhibah.

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,

AMIKHEAKAKHIUKKHI 17:7

Tüshe yunirünü I ki tha, “Tümüde müyinsahcho? Inü alibe, tüsho anihbe binkhi aku thüne tüsho ajuh thürü kihkhi lümsük nü ki thabah.

AMIKHEAKAKHIUKKHI 19:12

Api mükjibo motru nangde, tüsho aku kheak kuthran ahihdo thran; api kheak hode shenü mümükheahkhi mung thrütkih-a lakheah.

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,