AMIKHEAKAKHIUKKHI 12:2 - AMÜSÜH HÜM CL Bible (BSI)

² Alibe ju mübünkeangde lakheah tüsho anihbenü zübepü lachoki thsünü chingnü zhi.

AMIKHEAKAKHIUKKHI 12:2 Iomraidhean Croise

ISAIA 26:17

Pang makeangkhi azoberü kim khiungchoki, anihbe thsünü ching chinphülapde akhungkhi nangde nü miki isa she alakheah O Atungpuh ;

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 54:1

Khün thsang, O bünkeang-berü; khün thsang, tüsho zhiang, nü khungarü müzübebe! Tümüde arhangrü tsührü kheaknü bahyuka lakhi tsührü ahihbe labah, Atungpuhnü thachoh.

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

MIKA 4:9

Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de?

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

MATHI 24:8

Harü alala zübe-thsünü tankihkhi labah.

JOHAN 16:21

Aliberü küyimki thsünü ching labanü mulong rozhak lachoh tümütüsho anihbe kim arüdo; tüshe alibenü khungarü zübe müleangnü thsünü mülümkhitde kamchoh, tümüde mihtsürü asühkhi alomi ching zübedo.

GALATIA 4:19

Amuzho I tsührübo, Khrista yakli nüsa kheak mülayi khiungde kheaküshe nüsa lung I zübe-thsünü ching lah!

GALATIA 4:27

Tümüde ha thrüta lah, “Asühang, O tsührü mülabe bünkeangberü; nü shepü tsührü zübe-thsünü ching mülanü asühde zhiang; tümüde arhangberü tsührü kheaknü a abahyukkhi liberü tsührü ahihbe lah.”

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;