AMIKHEAKAKHIUKKHI 12:12 - AMÜSÜH HÜM CL Bible (BSI)

¹² O yinmi tüsho nüsa ju ching larübo, asühachihang! Tüshe nüsa alomi tüsho keto are, tümüde amünean bukakhiukkhi ato chingnü nüsa kilim akido; tümütüsho api kim zhomalah de apinü mükheahlah!”

AMIKHEAKAKHIUKKHI 12:12 Iomraidhean Croise

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

IBRI 10:37

Amüsühyunü thachoh, “Tümütüsho anükhühkheak labah, shepü arüde lanü mashude arübah;

2 PETER 3:8

Tüshe amuzho müyamrübo, ha thiyuro dümih: Atungpuh lung nimung khülang ju chithürü tüsho chithürü ju nimung khülang nangde lah.

AMIKHEAKAKHIUKKHI 10:6

tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü,

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.

AMIKHEAKAKHIUKKHI 11:14

Mihtrebe mahnepü hodo; kheahang, mihtrebe asampü nahde arüpü lah.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:6

Thrünpuh athruajipü tüsho api mung le api lapung tüsho yinmi ching larü athruajipü api mün khimshuh.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”

AMIKHEAKAKHIUKKHI 9:12

Mihtrebe akhuhbe hodo; kheahang, mihtrebe mahne arüpü lah.