AMIKHEAKAKHIUKKHI 12:10 - AMÜSÜH HÜM CL Bible (BSI)

¹⁰ Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.

AMIKHEAKAKHIUKKHI 12:10 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

JOB HU H T ANYU 1:11

Tüshe kheakü nü khah chungkhitang, tüsho api lakhi alala qiuang, tüsho apinü nü miro kheak athrubah.”

JOB HU H T ANYU 1:9

Judüki Arimrinü Atungpuh ki alo, “Tümü mülakhi thsungkheak Jobnü Thrünpuh wüntrecho de?

JOB HU H T ANYU 2:5

Tüshe kheakü nü khah chungkhitang tüsho api ro le yin qiuang, tüsho apinü nü miro kheak athrubah.”

MUNGSHIKHÜN 22:28

Atungpuh ju kiulongthsürü ah, tüsho apinü trükshihbo yakzan shuhchoh.

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 6:10

Nü kiulongthsü arang, yinmi ching künangde la, alomi ching junangde nü lümkhi thsang.

LUKNÜ ATHRÜTKHI THIYUSHEAK-ATSÜ HUHTANYU 11:2

Jumonü apinü arü ki tha, “Küyimki nüsanü tamkhüntamnübanü, hade thaang: ‘Yinmi ching isa Abuh, nü mung amüsüh thsang. Nü kiulongthsü arang; Yinmi ching künangde la alomi ching she junangde nü mulong thsang.

LUKNÜ ATHRÜTKHI THIYUSHEAK-ATSÜ HUHTANYU 22:31

Tüsho Atungpuhnü tha, “Simon, Simon! Arimrinü wheat nangde nü ayipü keokhikheah.

1 KORINT 5:4

Küyimki nüsa, isa Atungpuh Jisu Khrista mung chingnü mukhungbanü, tüsho isa Atungpuh Jisu wu bebanü,

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

TITA 2:3

Junangde azoberübo ki yakli ching wüntre lapü, dünthamungtha mülapü yungsho yukhu yo azhorü mükampü thsangyuang; tümü atsüanü arünü thsangyubeah,

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 2:26

Shepünü akuk ngücho tüsho akheam khiungde I yubo zochonü, inü api kilim trükshihbo kurungkheak wu jihbah,

AMIKHEAKAKHIUKKHI 7:10

tüsho düsheak achangnü zhi, “Akhümkhit ju kiulongthsü-binkiu kheak binbuh isa Thrünpuh, tüsho Namfimihnunu yo ah!”