AMIKHEAKAKHIUKKHI 11:8 - AMÜSÜH HÜM CL Bible (BSI)

⁸ tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.

AMIKHEAKAKHIUKKHI 11:8 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 26:23

tüsho arünü Ijip chingnü Uria bea lu tüsho kiulongthsüpuh Jehoiakim ki api bedarü, shepünü api nukshangnü kiua keamshih tüsho ashemi ju mihtsürü boto mibahpung jipa bah,

EZEKIEL 16:46

Nü chi azopü ju Samaria lakheah, shepü anihbe tsührübebo lung dukulim lakhea; tüsho nü chi akheambe, anihbe tsührübe lung düjinglim lakhi ju Sodom lakheah.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

EZEKIEL 23:19

Tütüshe alibenü anihbe anünü nimungbo ching Ijip lomi ching müzammüramkhi lümkhitde müzammüram alü kamshih

EZEKIEL 23:27

Jumonü nünü Ijip lomi chingnü handarükhi nü makhamaleak rhimobo tüsho müzammüram kheamshihbah; nünü arü mümürheang, yungsho kheaküa Ijip mülümkhit.

EZEKIEL 23:3

ane athunu kim Ijip ching lachoki arü atsangkhitkhi dükheakabah tüsho müzammüramrü kam.

EZEKIEL 23:8

Alibenü Ijip ching müzammüram rhimokhi mutuklo; tümüde anünüchoki athrününgtsüng mihtsürübonü anihbe lung yap tüsho anihbe atsangkhit treangbo neamjih tüsho arü künkhi anihbe kheak dungkihjih.

EZEKIEL 37:11

Judüki apinü I ki tha, “Mihtsürü tsührü, harü robo ha Israel yamkhün athrünkhi ah. Arünü thachoh, ‘ Isa robo kunga lah, tüsho isa mulonglam dükheaka lah; isa shahde lipshaka bahdo.’

AMOS 4:11

Thrünpuhnü Sodom tüsho Gomorra lahyuka bahchoki nangde inü nüsa khürü lahyuka bah, tüsho nüsa ju mo takkhi chingnü adukkhitkhi mozhuh nangde alakheah; tütüshe nüsanü I kilim murholo, Atungpuhnü thachoh.

MATHI 10:15

Tsükjide inü nüsa ki thachoh, mahkhap nimung Thrünpuhnü ju kiuto kheaknü Sodom tüsho Gomorra mihtsürü ki alü amüthsüm huhbah!

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

IBRI 13:12

Junangde Jisu she api thiyih hode mihtsürü tsangkhitpü thsüde chipiripit aleanglim thsünü.

IBRI 6:6

jumonü arünü chamkhide tsosho, arü mulong rholokhi ching belodarüpü mukuk, tümütüsho arünü kheaküshe Thrünpuh tsührü yümkihlochoh tüsho boto ki mungchih kipchoh.

2 PETER 2:6

tüsho Sodom le Gomorra kiutobo mobün kamshihde athsümünim ching bahyuk, tüsho amükinrübo ki amütsan khülang thsü;

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 11:9

Tümüde trükshihbo, trükbo, thiyuthabo, boto alala chingnü mihtsürübonü ane ashemibo kheak nimung mahsam kheak thripkhüh kheahbah tüsho ane kiuyuka bahpü reanglobah,

AMIKHEAKAKHIUKKHI 14:20

kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 17:18

Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

AMIKHEAKAKHIUKKHI 18:10

arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”

AMIKHEAKAKHIUKKHI 18:18

tüsho anihbe takkhi mokhüh arünü ngübah zhi, “Ato kiuto nangde püpü kiuto küju lakhea?”

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;

AMIKHEAKAKHIUKKHI 18:24

Tüsho anihbe kheak wukihrübo le amüsührübo, tüsho alomi kheak laksahrü alala thiyih ngü.”