AMIKHEAKAKHIUKKHI 11:7 - AMÜSÜH HÜM CL Bible (BSI)

⁷ Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah,

AMIKHEAKAKHIUKKHI 11:7 Iomraidhean Croise

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

LUKNÜ ATHRÜTKHI THIYUSHEAK-ATSÜ HUHTANYU 13:32

Tüsho apinü arü ki tha, “Yübah shirung ki thaang, ‘Kheahang, inü khihni le shido amünean mebo yankhitde athsüngube rhimopü lah, tüsho asam nipü I rhimo akhik thsübah.’

LUKNÜ ATHRÜTKHI THIYUSHEAK-ATSÜ HUHTANYU 8:31

Tüsho arübo thiyukhüm jih-a Abyss ching düyüzahshih de api ki mushu.

JOHAN 17:4

Inü alomi ching nü müretahdo. Nünü I kilim rhimopü jihkhi rhimo bando.

JOHAN 19:30

Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 13:11

Judüki alomi chingnü akhiukkhi shiwüh püpü inü ngü; namfimihnunu nangde ajuh mahne kih tüsho dragon nangde asuk.

AMIKHEAKAKHIUKKHI 13:7

Api kilim amüsührü bede thirithsüpü tüsho arü kukpü she wu jih-a lakheah. Tüsho trük aban, mihtsürü, thiyutha tüsho trükshih kurungkheak thiyukhüm-sühmüh wu jih-a lakheah.