AMIKHEAKAKHIUKKHI 11:3 - AMÜSÜH HÜM CL Bible (BSI)

³ Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

AMIKHEAKAKHIUKKHI 11:3 Iomraidhean Croise

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

2 SAMUEL 3:31

Judüki Davidnü Joab tüsho api lung lakhi mihtsürü alala ki tha, “Nüsa khimmih rukrüpang, tüsho shungliukhim yukbah Abner dünkheak tüzhoang.” Tüsho kiulongthsüpuh Davidnü kung dunglim yan.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 19:1

Küyimki kiulongthsüpuh Hezekianü ju sokhea, apinü akhim thorüpbah shungliukhim phuyu, tüsho Atungpuh yam ching yüzah.

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

NEHEMIA 9:1

Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

JOB HU H T ANYU 16:15

Inü I küp kheak shungliukhim thürekih, tüsho I ku asungthulung ching yap.

MUNGSHIKHÜN 69:11

küyimki inü shungliukhim phuyubanü mihtsürübonü I luhmünechoh.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

EZEKIEL 4:6

Nünü ha banshu, ha kim ching a nünü tsülim peang yapang, tüsho Juda yamkhün neak hanang; kam aban thsungkheak nimung khülang, nimung yirü inü nü kilim jihchoh.

DANIEL 12:7

Ayung kumung zhipkhi, khimthünak phuyubuh mihtsürünü akhah tsülim tüsho huzulim thüning lim shuhkih. Tüsho lün labuh khülangnü, ju kam mahsam kheak thripkhüh labah de thiyuchihchimde athakhi inü so. Küyimki Thrünpuh mihtsürü thsümüchikhi kheambanü, harü alala dünjia labah.

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

DANIEL 8:14

Tüsho apinü anihbuh ki tha, “ Nimung 2300 thsungkheak ah; jushu arüngyam ju müsühkhitlobah.”

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JONA 3:5

Tüsho Nineve mihtsürübonü Thrünpuh kin; arünü khümkeak thsüpü zhiyuk tüsho mihbüm aban ato tüsho anininü shungliukhim phuyu.

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

WÜHKHE 11:26

Kheakü azothsürü nerü bolung ane mahne Eldad tüsho Medad khimyam ching müyüde binkheampung ching bin. Ju binkheampung ching me ane kheak arü tüsho ane she müchitmudupü tankih.

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

MATHI 18:16

Tüshe apinü manisho, nü lung püpürü khülang yungsho mahne beang, junangde mahne yungsho mahsam thiyumütsan hode lüpdükhi mütsanmükhibah.

LUKNÜ ATHRÜTKHI THIYUSHEAK-ATSÜ HUHTANYU 10:13

“Korazin, nü are! Bethsaida, nü are! Tümütüsho nü kheak khinthiyinbebo rhimokhi ruk Tair tüsho Sidon ching rhimokhülaa shungliukhim tüsho awahbo ching binbah adüsonü mulong müthria labah.

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 13:31

tüsho api lung Galilee chingnü Jirusalem khiungde atsahrü ki nimung ahihdo apinü akhiuka huh. Arübo mihtsürübo ki kheakü api thiyumütsanbo lah.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

2 KORINT 13:1

I ha mahsam kipü nüsa kilim arüchoh. “Mahne yungsho mahsam thiyumütsan hode lüpdükhi mütsanmükhibeah.”

EFISIA 4:11

Tüsho api thsambahbo ju khürü amüsühthsangyurü, khürü wukihrü, khürü thsangyuthsangrarü, khürü namfimihnu neakrü tüsho thsangyurü,

YUZÜNGTHALO 17:6

Shepü ashepü thülünlanü mahne yungsho mahsamnü thiyumütsan jihkhi hode asheshihbah tüshe thiyumütsan khülang hodünü a api müsheshih.

YUZÜNGTHALO 19:15

“Mihtsürü khülangnü amülim rhimokhi yungsho neak yihbeakkhi dünkheak thiyumütsan khülangnü a api azhihde muwusu; thiyumütsan mahne yungsho mahsam hodü lang judürü dünkheak khikzhak thsübah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 11:2

tüshe arüngyam aleanglim a dake; ju aninga zojang, tümüde ju trükshihbo kilim jihdo, tüsho arünü khinu yirükheak mahne amüsüh kiuto kheak jungbah.

AMIKHEAKAKHIUKKHI 11:6

Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah.

AMIKHEAKAKHIUKKHI 12:6

tüsho alibe ju Thrünpuhnü athsakhamkhi sunglo ching, anihbe nimung 1260 kümpü lakhi lim yüabah.

AMIKHEAKAKHIUKKHI 13:5

Shiwüh kilim ju lülüshishi yu thapü, athruaji mün tüsho khinu yirükheak mahne api thiyukhümsühmüh ahoripü jih-a lakheah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.