AMIKHEAKAKHIUKKHI 11:2 - AMÜSÜH HÜM CL Bible (BSI)

² tüshe arüngyam aleanglim a dake; ju aninga zojang, tümüde ju trükshihbo kilim jihdo, tüsho arünü khinu yirükheak mahne amüsüh kiuto kheak jungbah.

AMIKHEAKAKHIUKKHI 11:2 Iomraidhean Croise

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

ISAIA 48:2

Tümüde arünü amüsüh kiuto mihkhung ah de thachoh, tüsho Israel Thrünpuh kheak angükihchoh; shepü mung ju Wuto Atungpuh la.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

TÜZHOKHI 1:10

Thiriribonü shoto kukrukbo alala kurungkheak arü khahbo shuhkihdo; nünü nü borü lung yüzahpü mümülükhi trükshihbonü arüngyam ching yüzahkhi she anihbenü ngüdo.

EZEKIEL 4:6

Nünü ha banshu, ha kim ching a nünü tsülim peang yapang, tüsho Juda yamkhün neak hanang; kam aban thsungkheak nimung khülang, nimung yirü inü nü kilim jihchoh.

EZEKIEL 42:20

Apinü thrip phüyi ake. Ju mükamde amümüsüh chingnü amüsüh chamnakpü lakhi rhü ju ashanglim khahnap 500 tüsho atolim 500 lakheah.

DANIEL 12:7

Ayung kumung zhipkhi, khimthünak phuyubuh mihtsürünü akhah tsülim tüsho huzulim thüning lim shuhkih. Tüsho lün labuh khülangnü, ju kam mahsam kheak thripkhüh labah de thiyuchihchimde athakhi inü so. Küyimki Thrünpuh mihtsürü thsümüchikhi kheambanü, harü alala dünjia labah.

DANIEL 7:19

Jushu inü shiwüh aphüyipü dünkheak thiyuro mükheahpü kün, küpü püpürü alala kheaknü büthsüde lakhea, kihode atrebe, ahü ju yinchi tüsho amüzan ju müwayinchi, junü tsüh tüsho adütre kamde yihnak, tüsho aningkhi ajingnü jung;

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

DANIEL 8:10

Hoju yinmi bonungrü lokhüh zokih. Junü bonungrü khürü tüsho chiningbo alomi ching jipkhi, tüsho arü kheak jung.

DANIEL 8:13

Judüki amüsühbuhnü asukkhi inü so, tüsho püpü amüsühbuhnü khülang ki ju asuk, “Taka kingaünkhi, zhikabahshihde neak yihbeakkhi, arüngyam tüsho yinmi bonungrü jungpü michih ha külokhüh laba?”

DANIEL 8:14

Tüsho apinü anihbuh ki tha, “ Nimung 2300 thsungkheak ah; jushu arüngyam ju müsühkhitlobah.”

WÜHKHE 14:34

Nüsanü lomi zütakheahkhi nimung yirü yande nimung khülang dün kam khülang ju kam yirü, nüsa münean hanbah, tüsho inü abahyukkhi nüsanü amükheahbah.

MATHI 27:53

arünü kiuyukbo chingnü akhiuk tüsho Jisu arhang kamloshu arünü amüsüh kiuto ching yüzah tüsho ahihkhüh ki akhiuka huh.

MATHI 4:5

Judüki arimrinü api ju amüsüh kiuto ching bede yü tüsho arüngyam mün kheak binshih,

MATHI 5:13

“Nüsa alomi thimi ah; tüshe thimi ju amüsüpbe dükheakabahsho, ju küde thsah amüsüpshihba? Ju tümü thsungkheak she atsü müla, ju abahbah tüsho mihtsürübonü ajungbah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

AMIKHEAKAKHIUKKHI 11:11

Tüshe nimung mahsam kheak thripkhüh dunglim Thrünpuh kilimnü arhang sheak ane kheak yüzah, tüsho ane ngürü alala müyinsah.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

AMIKHEAKAKHIUKKHI 12:6

tüsho alibe ju Thrünpuhnü athsakhamkhi sunglo ching, anihbe nimung 1260 kümpü lakhi lim yüabah.

AMIKHEAKAKHIUKKHI 21:10

Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh,

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;

AMIKHEAKAKHIUKKHI 22:19

tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.