AMIKHEAKAKHIUKKHI 11:12 - AMÜSÜH HÜM CL Bible (BSI)

¹² Judüki yinmi chingnü düsheak achangnü ane ki thakhi so, “Halim akihang!” Tüsho ane riribo mikinü anenü amo chingnü yinmi lim yükih.

AMIKHEAKAKHIUKKHI 11:12 Iomraidhean Croise

2 KIULONG THSÜRÜ 2:1

Kheakü küyimki Atungpuhnü Elija ju chitmühean chingnü yinmi lim bede yükihpü lakhea, Elija tüsho Elisha büne Gilgal limnü ane limro ching lakheah.

2 KIULONG THSÜRÜ 2:11

Anenü mutuklode tsahde tüsho asukachihde alachoki, mo-lolungbe tüsho mo-khorabonü ane azüshih, tüsho Elija a chitmühean chingnü yinmi lim yükihabah.

2 KIULONG THSÜRÜ 2:5

Jirikho ching lakhi wukihrü bokhüh Elisha phünide arü, tüsho api ki tha, “ Khihni Atungpuhnü nü putungpuh nü kheaknü bede atsobah de nünü mükheahnah?” Tüsho apinü alo, “Am, inü mükheahlah, dalan.”

2 KIULONG THSÜRÜ 2:7

Ane Jordan ching zhipde alachoki, wukihrü 50 she yü tüsho ane kheaknü khü limshude zhip.

MUNGSHIKHÜN 112:10

Mihbukmuyuknü ju ngübah tüsho mulong rozhakbah; api hü mütrütbah tüsho niuabahbah; mihbukmuyuknü akünkhi dükheakbah.

MUNGSHIKHÜN 15:1

Atungpuh nü arüngkhimyam ching she laba? Nü amüsüh wung kheak she laba?

MUNGSHIKHÜN 24:3

Shepünü Atungpuh wung kheak wutuba? Tüsho shepünü api amüsüh dangpung ching zhipba?

MUNGSHIKHÜN 86:17

I ki atsü thsungkheak amütsan khülang huhang, junangde sherünü I thraneanchonü ju ngübah tüsho achihbah, tümütüsho Atungpuh , nünü I rung tüsho I mulong shukheamjih.

ABEKHIT 14:25

Tüsho apinü arü khora-lolungbe jingbo wukhiukshih, junangde arünü abepü küpkhukde kam; tüsho Ijiprünü tha, “Israel mikinü isa tsoanü, tümüde Atungpuhnü Ijiprü azhihde arü thsungkheak keochihjihchoh.”

ISAIA 14:13

Nünü nü mulong ching tha, Inü yinmi ching yükihbah; inü I kiulongthsü-binkiu ju Thrünpuh chiningbo kumung shuhkihbah; inü mukhungmüdan wung Zaphon mujuk kheak binbah;

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

ISAIA 60:8

Amo nangde phincho ha tüsho müthrithrümpü arü sap lim phinde arükhi nangde la ha sherü a?

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

LUKNÜ ATHRÜTKHI THIYUSHEAK-ATSÜ HUHTANYU 16:23

Thsümüchipung ching apinü zünga kheah tüsho limshu ching Abraham ju akhüh ching Lazar lade ngü.

YUNIRÜBO RHIMO 1:9

Kheakü küyimki apinü harü thakhea, arünü kheahde alachoki api bekih, tüsho arü mük kinü api ju amonü liudoabah.

1 TESALONIKA 4:17

judüki isa aninga larü, thüning ching Atungpuh shorupü arü lung amo ching rukhüh bemukhungbah tüsho isa lünnü Atungpuh lung labah.

AMIKHEAKAKHIUKKHI 12:5

trükshih alala yinchi tsonü yakzan shuhpü thsüde alibenü athrürü nunu zübejih, tüshe anihbe khungarü ju jangkhia lubah Thrünpuh kilim api kiulongthsübinkiu ching bekih,

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”