AMIKHEAKAKHIUKKHI 11:10 - AMÜSÜH HÜM CL Bible (BSI)

¹⁰ tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.

AMIKHEAKAKHIUKKHI 11:10 Iomraidhean Croise

1 KIULONG THSÜRÜ 18:17

Küyimki Ahabnü Elija ngükhea, Ahabnü api ki tha, “Israel küpkhuk jihrü ju nü a de?”

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:18

Israel kiulongthsüpuhnü Jehoshaphat ki tha, “Apinü I dünkheak atsübe mümüchit de inü nü ki mütha de, tüshe thsümütsü lang?”

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

MUNGSHIKHÜN 13:4

I ririnü athabah, “Inü api kukdo”; tüsho I keamchoki I riribo asühachihbah.

MUNGSHIKHÜN 35:19

Akeangyu tharü I riribonü I kurungkheak dasühachihshih; yungsho amütsan mülade I thraneanrünü mük dathrapshih.

MUNGSHIKHÜN 89:42

Nünü api azhihrü khah tsülim shuhkihdo; nünü api riribo alala asühachihshih.

MÜCHITMUDU 24:17

Nü riri lungchoki dasühachih, tüsho api jing mükhechoki nü mulong dasüh;

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

JEREMIA 50:11

Nü asühachihchih she, nü asüharara she, O I yamrüplurüp yankhia lurübo, moshinü hi jungkhi nangde tüsho khoranü akhungkhi nangde,

OBADIA 1:12

Tüshe nünü api kuhi mütsükhi nimung nü keoniorü mükhenopü lado; nünü Juda mihtsürü thsümünim nimung masühachihpü lado; lümthsünü nimung nünü mükükheangpü lado.

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

JOHAN 16:20

Atsütsü inü nüsa ki thachoh, nüsa atripbah tüsho atüzhobah, tüshe alomi a asühachihbah; nüsa mulong rozhakbah, tüshe nüsa mulong rozhak ju asühachihpü ching müthribah.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

1 KORINT 13:6

amuzho ju amütsü ching asühkhi yung, tüshe thiyuro ching asühkhi lah.

AMIKHEAKAKHIUKKHI 12:13

Tüsho küyimki dragonnü api alomi ching jipkhia bahkhi ngükhea, apinü khungarü athrürü zübejihkhi liberü müsham.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 16:10

Aphüngüpü yunirünü api phurusük shiwüh kiulongthsü-binkiu kheak dunga bah, tüsho ju kiulongthsü amiting ching lakheah; mihtsürübonü thsünükhi hode arü mulo mükap

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.