AMIKHEAKAKHIUKKHI 10:5 - AMÜSÜH HÜM CL Bible (BSI)

⁵ Tüsho inü angükhi keto tüsho alo kheak zhipbuh yunirünü api khah tsülim chungkih

AMIKHEAKAKHIUKKHI 10:5 Iomraidhean Croise

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

MUNGSHIKHÜN 146:5

Shepü nihbuh arung Jakob Thrünpuh kheak lanü asühpü, shepü mulonglam Atungpuh api Thrünpuh la,

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

EZEKIEL 20:15

Kheaküshe inü arü kilim jihkhi lomi, niuhke tüsho mukhuke bukkhi lomi, khide akhamkhi lomi ching bede marüpü arü ki inü sunglo ching thiyuchihchim thsü,

EZEKIEL 20:23

Kheaküshe arü trükshih bolung müzütpü tüsho lomibo ching hiumüzütpü sunglo ching I khah shuhkihde arü ki thiyuchihchim thsü,

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 20:42

Inü nüsa bebuhrü jihpü khah shuhkihde thiyuchihchimkhi Israel lomi ching bedarüchoki I Atungpuh de nüsanü mükheahbah.

EZEKIEL 20:5

tüsho arü ki thaang: Wuto Atungpuhnü ha thachoh: Inü Israel mokhit nimung, inü I khah shuhkihde Jakob yamkhün tsühsoniuso ki thiyuchihchim thsü tüsho Ijip ching arü ki I akhiuka huh. I khah shuhkihde inü arü ki tha, “ I Atungpuh nüsa Thrünpuh.”

EZEKIEL 36:7

jumonü Atungpuh Thrünpuhnü ha thachoh: Nüsa mükamde alakhi trükshihbo alala arü zangrünü thsünübah de inü nüsa ki I khah shuhkihde thiyuchihchimchoh.

EZEKIEL 47:14

Nünü ju arihkhühnü achambah; inü ha nüsa jipürü kilim jihpü thiyuchihchim, tüsho ha lomi ju nü yamrüplurüp thsübah.

DANIEL 12:7

Ayung kumung zhipkhi, khimthünak phuyubuh mihtsürünü akhah tsülim tüsho huzulim thüning lim shuhkih. Tüsho lün labuh khülangnü, ju kam mahsam kheak thripkhüh labah de thiyuchihchimde athakhi inü so. Küyimki Thrünpuh mihtsürü thsümüchikhi kheambanü, harü alala dünjia labah.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

ROMRÜ KILIM PAULNÜ ATHRÜTKHI KIHÜM HUHTANYU 1:20

Thrünpuhnü alomiküp thrünchokinü, amüngübebo, api akheam müla wu tüsho Thrünpuh yakli chido thrüna lakhibo chingnü mütsande ngü. Jumonü mihtsürübonü amudopü müla;

YUZÜNGTHALO 32:40

Tümüde inü I khah thüning lim shuhkihbah thiyuchihchim: I lünnü lah,

IBRI 6:13

Küyimki Thrünpuhnü Abraham ki thiyuchihchim thsükhea, apinü thiyuchihchimpü thsüde atobe mülakhinü aküdah thsüde thiyuchihchim thsü,

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 10:2

Api khah ching akhimshuhkhi küpqiu anikhüh khülang lakheah. Api jing tsülim keto kheak thrüm, tüsho api jing huzulim alo kheak thrüm,

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 16:17

Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!”

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”

AMIKHEAKAKHIUKKHI 4:9

Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü,