AMIKHEAKAKHIUKKHI 10:4 - AMÜSÜH HÜM CL Bible (BSI)

⁴ Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.”

AMIKHEAKAKHIUKKHI 10:4 Iomraidhean Croise

ISAIA 29:11

Ha michih alala nüsa thsungkheaknü ayümdokhi mütsanhüm yubo nangde kamdo. Ha akhekhukrü ki, “Ha kheang” de thiyukhüm jihsho, apinü thachoh, “ Inü mükhekhuk, tümüde ha yümdoa lah.”

ISAIA 8:1

Judüki Atungpuhnü I ki tha, Lungbeak ato khülang luang tüsho ju kheak atotonü thrütang, “Maher-shalal-hash-baz,”

ISAIA 8:16

Rhangdung-yumütsan rhükruang, I jingyanrü bolung thsangyukhi yümkihang.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 8:26

Arebo tüsho yapsubo dünkheak michih thakhi ju thiyuro. Tüshe michih ju yümdoa zoang, tümüde ha dünjipü nimung ahihkhüh lah.”

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 10:8

Judüki yinmi ching inü asokhi düsheaknü I ki thalo, “Yüang, keto tüsho alo kheak zhipkhi yunirü khah ching küpqiu khimshuhkhi luang.”

AMIKHEAKAKHIUKKHI 22:10

Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah.