AMIKHEAKAKHIUKKHI 10:3 - AMÜSÜH HÜM CL Bible (BSI)

³ tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung.

AMIKHEAKAKHIUKKHI 10:3 Iomraidhean Croise

MUNGSHIKHÜN 29:3

Atungpuh düsheak kebo kumung lah; müretahkhi Thrünpuhnü tsüngmukchoh; Atungpuh ju muliuke kumung lah.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

ISAIA 31:4

Tümüde Atungpuhnü I ki ha thado, Kekhüzü yungsho kekhüzü nununü shih kheak arungkhi nangde, tüsho–mihnu neakrü botonü ayankhipü zhibanü–arü zhikhinü mümüyinsah yungsho arü alankhinü mutuklo, junangde Wuto Atungpuh Zion Müzüng tüsho awungbo kheak thirithsüpü akibah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 5:29

Arü arungkhi kekhüzü nangde arungchoh; arünü ahukchoh tüsho shih ramchoh, arünü lude tsochoh, tüsho shenü müyankhikhuk.

JEREMIA 25:30

Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

EZEKIEL 10:5

Cherubim ghidükeangbo düsheak ju Wuto Atungpuhnü asukchoki düsheak nangde, khikzhakpung aleangbe limshu chingnü so.

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

AMIKHEAKAKHIUKKHI 14:2

Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah,

AMIKHEAKAKHIUKKHI 15:1

Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.

AMIKHEAKAKHIUKKHI 15:7

Tüsho arhang shiwüh phüyi bolung khülang yunirü thüne kilim lünnü lün labuh, Thrünpuh bukakhiukkhinü mide suna phurusükbo thüne jih;

AMIKHEAKAKHIUKKHI 4:5

Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah;

AMIKHEAKAKHIUKKHI 8:5

Judüki yunirünü mophuru ju lubah kingaün sadam kheak yo mo yuk tüsho alomi kheak jipa bah; tüsho tsüngmukkhibo, düsheakbo, chinchobe phürapkhi, tüsho muliuyuk lakheah.