AMIKHEAKAKHIUKKHI 1:2 - AMÜSÜH HÜM CL Bible (BSI)

² apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 1:2 Iomraidhean Croise

JOHAN 1:32

Tüsho Johannü thiyumütsan thsüde tha, “Yinmi chingnü müthrithrümpü nangde me akikhi inü ngü tüsho api ju anihbuh kheak la.

JOHAN 12:17

Jumonü apinü Lazar kiuyuk chingnü ajikhitchoki tüsho ashe chingnü api arhang kamloshihchoki api lung larü mihtsürünü thiyumütsan thsü.

JOHAN 19:35

(Tüsho shepünü angükheanü thiyumütsan thsü, tüsho api thiyumütsan thiyuro; tüsho apinü thiyuro thachoh de apinü mükheahlah, junangde nüsanü akinbah.)

JOHAN 21:24

Hanü thiyumütsan jihbuh tüsho harü thrütkhi ju jingyanrü ha buh ah; tüsho api thiyumütsan thiyuro de isanü mükheahlah.

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

YUNIRÜBO RHIMO 22:15

tümüde nü ju nünü angükhi tüsho asokhi mihtsürü alala ki api dünkheak thiyumütsan labah.

YUNIRÜBO RHIMO 26:16

Tüshe asürübah nü jingnü zhipang; inü nü tankihrü khülang thsüpü tüsho nünü angükhi le inü nü ki huhpü lakhi thiyumütsan thsüpü mokhitpü nü ki akhiukkheah.

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

1 KORINT 1:6

Khrista dünkheak thiyusheak nüsa kheak düküngde kamshih,

1 KORINT 2:1

Keoniorübo, küyimki I nüsa kilim arükheanü, inü thiyu ato yungsho lümlung thade Thrünpuh aramyu nüsa ki müthsangyuthsangra.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–

1 JOHAN 4:14

Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

3 JOHAN 1:12

Demetria a mihbüm abannü, tüsho thiyuronü thiyumütsan lah; inü she api thiyumütsan jihchoh, tüsho I yumütsan thiyuro ah de nünü mükheahlah.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

AMIKHEAKAKHIUKKHI 22:21

Atungpuh Jisu amüthsüm amüsührü alala lung laang. Amen.

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;